25th JUNE NIA, GL. MAMANG KHENGJANG DAMLOUNA VIDEO FB, WHATSAPP, GROUP MUNTIN’A, VIRAL/LEAK THU’A THUTAH HILCHITNA KAHIN NEI’E.

0
(0)

By:- Pr/Rev. L. Khailam Khongsai
Kuki Christian Church, Manipur, India.

Hichi video’a aki hou limpi tah hi keima tah kahi in, ipi jeh a chutobang’a thil ana soh ham ti hi ahe chin lou tam tah aum jeh in, Pathen lhagao natoh chu phat na lang sang in ahoi lou lam a thu ahung kithe thang in ahi leh, keima tah in jong nommo kasah lheh’e. chule hichi video clip chu keima phalna louva koi ham ahin the thang jong kaboipi lai tah ahi.

Achisa MLA Election laiya, kihet khel jeh’a nam golhang khat in, Khengjang kho’a thina ana toh in, hichi athipa chu amit tah in aga mu in, hichi jouva pat a chu hitobanga hi dam mo’a, muntin,a kapui uva, sum le pai tam tah lut’a kajen vang uvin adam doh jou poi atiu vin, hijeh chun, Dt.24th January 2018 ni chun, Evan. Chinkholam, Gospel Ministry For Disabalities India (GMFDI) founder nu kom’a taopeh din ahin pui un ahi. Hichi laitah chun keijong insung kin’a Kuki Worship Service, Bangalore a kon in Manipur kahung pot doh toh aki toh khan, nilhah seh le maicham sem jing kahi jeh u chun, chu nilhah a jong chun maicham kasem un, Pathen thu;a tilkhouna kanei jou khut kituh toh’a taona kahin man uleh, Gl. Mamang hi ahung peng jah jeng in, ahung kitum hen hun in, hichun alu chunga khut kangap a katao peh leh kho helou in alhu den in, kin jong lhaogao phalou achung’a natong aum kahet phat in alhuh na lhonglaiya chun kanai den in, hitobang’a thilha vop, kaobol, doiya kibol ho tao peh jing kahi jeh chun encounter kabol in ahi leh, ahung kiphong doh tan, athu sei ho chu ama hi talou in asunga lhagao dih lou natoh video a ijah hou chu ahi tan ahi.

Pathen lhagao natoh jal’in gaophalou chun ahin dalhan ahi leh, kho helou in chom khat pi athi bang in aum den in, chomkhat jou in ahung lim doh le adam sel tan ahi. hijeh chun ama ho jong kipah tah in ajeng in inlam ana kile tao vin ahi. Hichi jouva pat a chun tuni geijin kakimuto khanai hon pon, amahi itobang mi, iti hinkho mangmi ham jong kahe pon het ding jong kanagel man pon ahi.

Hichi toh kitoh a kahin seibe nom chu ahi leh, a insungmiten nommo asah lheh uve ti thu kajan, kihou mat nadingla a phone number u kanei lou jeh in kaki hou mat pi thei pou vin, Pathen min in neina ngaidam un tin Mamang insung mite kom’a kaki phat lam na kahin phong’e.

Chule, keihi imacha hilou, taodam jong hilou, thilbol theina nei jong kahi poi. Pathen in alenggam natong dinga eiman chah jeh in Aman thilpeh eipeh chu, damlou ho tao peh, thilha vopho nodoh, kaobol ho nodoh ti lang’a hin eimang chan ahi leh, kaki son lai ji lheh vang in Pathen jal in mi tamtah damna chu achang uve.

Hinlah, pohnat umji tah khat vang chu ahi leh, adam lou kaobol, thilhavop, doi a kibol ngol ti ho, adam doh jiu hi Pathen jal ahi ti hi kihet jiu hen lang, Pathen cha khat ahi leh testimony joh in neithei jiu hen lang jachatpi sang in Pathen natoh nan manjo thei ji leo chun Pathen dei hinte kati. ajeh chu atamjo kitao peh ji ho hi, damding ngaichat na, Maibi, Maiba, Hospital munchom chom a kijen a sum asang asang asuh mang jiuva adam doh jou lou teng upai um lou man a taona hung kipui ngen atamjo ahi ji uve.

Achainan nan, nachunga Pathen lhagao natoh kidang, lou le aija choh jou lou Pathen min a taona damna nachan teng Pathen lundei joh hol jo jin lang, mi seiset dem kiti ho bol hih in. chuleh nahet chin lou thu nangma gel dan tah in sei thang le ji hih un. Pathen dou mah naki bol khah ding tijat um’e.

Note: Ka Pathen natoh hi seitho, social media mangcha a kiphong le le hi louva, katohdoh bou sei a, anatoh lang bou boipi mi kahi jeh in, taona ngaichat nanei leh kipha lam louva #9513028240 a nin houpi thei ahi.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply