ACHESA KHANG LE TULAI KHANG by Naocy Haokip

ACHESA KHANG LE TULAI KHANG by Naocy Haokip

0
(0)

“ACHESA KHANG LE TULAI KHANG”

3rd August 2020

✍ Naocy Haokip
____________
📖 Psalms 90:10 📖
Kahinkhou kum som sagi bep bou ahin,
Adamthei tah jong kum somget bou ahingjie ; Hiche hinkho chomcha sung jong hi tohgim gentheina adimin,
Acheloi loiyin, kaleng mangji tauve

ACHESA PULE PATE KHANGA CHOMCHAN HOULIM’UTE

❣ Ipu ipateu khang laiyin suhkhelna ho hihen, ipi hijongle akineosah ding le athemmo jo ding ana kichu jiuvin, hijeh chun ki-ngailutah-in anacheng khom theiyuve.

❣ Mi masa ho chun midang samset kiti ho sangin kineosah tah-in maho le amaho joh ana kisapset khum jiuve.
(Eg, In-gap inge, mangthah jeng inge)
Hijeh chun phatthei ana chang chom jiuvin ahi.


❣ Insung mi hihen, koi hijongle atu, achateu ding geiyin phattheina le vangbohna ana nei jiuve, hijeh chun ana damsot theiyuvin ahi.

❣ Apaodoh uva ana houlim ji tengule kineosah tah le aw nem heuvin ahoulim theiyuvin, hijeh chun amaho kikah-in chamna anaumin, kijatona aumin ahi.

❣ Neh le don lam hihen, toh le tham hijongle insah, inlhang ana kigeldoh to jinguvin apangkhom jing theiyun hijeh chun anahat thei lheh-un ahi.

💟 Lungkhat, thakhat’in ading khom theiyuvin khat le khat ki-nganse to louvin amasa jo ding ana kichutho jiuvin hijeh chun atoh lam jouseu alolhing theiyun ahi.

💟 Meljin khat jong sopi bangin asang theiyun jana neitah-in aboluvin, ngailutna nei tah-in ajenleuvin a insunga ahoilai, aphalai ho cha cha bou anaphal peh thei jiuve, hijeh chun damtheina, phattheina anei chomuvin ahi.

✒ Pu le pate chu Pathen hou ana tamlou vangin ki-ngailutna le kineosah na hinkho ananei jeh’uvin hijeh chun adamtheiyun, ahat theiyun, ahingsot theiyuvin ahi.

✒ Joulenal seiya phatchomna hol tiho umlouvin amaho tah-in athahatnau panin thutah dinpin phatchomna akiholuvin, athahatnau songin ulsa longin neh akiholuvin, hinla alhasam ngai pouvin, ahao theiyun, ahoi theiyun, apha theiyun ahi.

✍ Jingleh Pathenin damna le phatpha eipehleu “TULAI KHANG” banjom kit taute, ajeh chu asao behseh jong isimngap ji pouvin tunia din hichan hin chai tau hite.

✒ Apha lah theilai kilhenu tin, kihilnan ana neicheh-u hite, asimdoh jouse lungsunga Pa Pathenin hetchetna lunggel petahen.

✒ Keima jong chapang cha kahin, hijongle ka-ngailutpen kapa in ama pule pate khanglaiya aki-ngailutnau thu einahil jiho kahet kham kham kahinlah khom ahiye.

✒ Tahsa le Lhagaova iphatchompi theina diuvin Pathenin phatthei boh jinghen.

• THANK YOU •
____________

©️SANAKHANG MANTAM

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply