An interactive session with Zomi leaders Delhi ah zat in om.

An interactive session with Zomi leaders Delhi ah zat in om.

0
(0)

An interactive session with Zomi leaders Delhi ah zat in om.

Zan tarik 29/6/2019 in ZHRF Delhi Cell huaihotna in YMCA ah, The Road So Far An Interactive session with Zomi Leaders lohching taka neih ahi. Hiai hunah Zomi frontal orgn tuamtuam, Saptuam makai, Student leader, Philantropic Orgn, Research Scholar leh i namsung a Officer tuamtuam te kihel uhi.

Pu Thanglianpau President ZRO/ZRA & Chairman UPF in ZRO toh kisai brief timeline, pawlpi kipat kuan apan Political talks i neih huntan genna nei a, maban a i mite laka ki thutuah na mah poimoh ahihdan chiangtak in gen hi. I political talks neih in mi kuapeuh huamkha ahihmanin, kupnop leh saknop neite ading in phone call hiam, private inbox tana leng thuzaktheih ahihdan leng gen hi. Pu Kamkhanpau President ZDV in Zo suante i ki pumkhat a poimoh dan, a organisation uh khangthu a kipan sinlai hoihtak om ahihdan leh maban kalsuan nate a khe khat khaikhawm dingin mipi hong paikhawm te kiangah gen hi. Pu Ketheos Zomi in haksatna leh buaina tampi te palkai tou in Pawlpin Kum 25 mel bang i mu theih uh leh hiaitan i tuntheih Mipite leh Pathian hon pina ahi chih i mangngilh louh poimoh ahi chi in gen a, I Pawlpi a dinga ai-nah ana phahtu heutu ten hon dampih lai ua, anuam ahaksa i tuahte hon theihpih leh thuakpih tou ngitnget un, heutu masate zahna nei minam ihihdan taklang a, i sung ua kitheih siamlouhna omte ziaka kisu thadah mailou dinng leh kilem nading kong kihong gige ahihdan leng pulak hi. Ei leh ei Melma banga ki en mailou a, innkuan sung a ei leh ei iki lamdal laisiah ki lamzang lou ding ahi chih gen hi. Huaiziakin, political solution khatpeuh nuamtak a muh hilou a, thubaih a piang om mawklou, a thalawh zoute mah a hamphatpih, suahtakpih leh a kipakpen te hong hizaw ding ahi chih phawk in, theihtawp suah a kal isuankhawm kisam ahihdan gen hi. Hun haksatak ah I ding ua, huchih kawmkawm in political opportunity hoihtak ah leng I ding bok uhi. Huaiziak in Thum mi leh Saptuam te’n leng kou mimal hihna hiam en zawlou in, Minam na itna leh na awlmohna zahzah toh thumna a hon delhzui tou jel un chin ngetna nei hi.

Hiai hun ah paikhawm mipite apan theihsiamlouh te dotna leh dawnna hun oma, thukup tuamtuam toh maban aleng hiaibang saizom tou zelding a ngetna leng om hi.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply