You are currently viewing AUGUST – 31 (Tuesday | Thupi: KEI KA KUON DING HI

AUGUST – 31 (Tuesday | Thupi: KEI KA KUON DING HI

0
(0)

*AUGUST – 31 (Tuesday)*

*Thupi: KEI KA KUON DING HI*

*Tangtel*: _“Tanah kei ka um hi, Kei hing sawl in Mangpa!”_ (Isai 6: 8).

August Ha tawp ah michin Mangpa Pasian in hing puikhawm in, ei mimal deitel thu hilou in lungkhamnate, danate, damlounate leh hamsatna chi tuomtuom te toh huntha hing galkaipi himaithei, tua bang main kipahnate, kithalawpnate, lawchinate leh damtheina hoitah toh September Ha zang die hing pui galkai a um zong ihi thei uhi. Abang teng hilezong, tam khovel a mi tampite’n tam huntha amutheilou lai ua eiten imuthei u’khu hoi in hoita sihleh zong Mangpa hing deina bang ahiei khat um ahi ding chi lunggel ineithei chiet uh deihuoi kasa hi.

*Mangpa Jesu’n*, _“pei unlen silsiem chinteng kungah Khantanhoi gen unlen, a gingta zousie baptis unlen, thu Ka hingpie zousie pawm dingin ahil uhi. Tualeh ngai un, leitung tawp dawngin na kung uah ka um ding hi”_ chin (Mt. 28: 19-20) ah agen hi. Tam Mangpa thupie khu ei gingtute adie thupie poimawtah, i zui chiet ding uh ahidan manghil theiguol ahisih hi. Ei gingtute sawl a um ihidan manghil lou ding ahi. *Guolnei Isai* gen bangin, _“Tanah kei ka um hi, Kei hing sawl in Mangpa!”_ (Isai 6:8) achi bangin eiten zong ichi thei chiet ding uai? Mangpa hing deina munmun leh hing dei hunhun a sawlthei die mansa i up uh angai hi. Tua ahileh, _“amauten sem nava, ana bawl nave un”_ chite i tawpsan thei ding ua, kei ka kuon ding, kei mama in ka sem ding ichithei chiet ding uhi.

*Jakob* in, _“Nasep panglou ginna ashi ahi”_ (Jak. 2: 17) achi bangin, kei khristian dihtah kahi, kei gingtu dihtah kahi ichi ngal leh i ginna latsahna die Pasian nna atam theipen a sep ding khu i mimal mohpuana liuliah ahi hi. Nang Pasian nna naseplou leh koi in a sem ta diei?

*Pastor M. Thangboi Zou*
*HINNA TANGHOU*
_Devotional Message, 2021_

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.