BANG A HIEI NA KAA PI? By: Pastor M. Thangboi Zou

BANG A HIEI NA KAA PI? By: Pastor M. Thangboi Zou

0
(0)

BANG A HIEI NA KAA PI?

Pastor M. Thangboi Zou

Tangtel: Mishisa kaa sih unlen, suun zong suun sih un, hing kinuale kia a a pienna gam mu kia nawnlou ding ahi (Jeremiah 22:10).

Gingtu ki hagau mi sah mama, midangte veina mittui nei hattuom sunga mi itam mama uhi. A mittui neisun te u’khu a itpen a innsung mite, lawm-le-guol, u-le-naute suunna mittui ana hizaw maw hi. Jeremiah in, “Mishite kaa sih unlen, suun zong suun sih un, hing kinuale kia a a pienna gam mu kia nawnlou ding a puimang a umte kaa zaw un” achipen a ngaituo tham ching mama hi. Mukia nawnlou di’a tangtawn shina lam zuon a peite adi’a kap theilou, gingtu ki hagau mi sah itam sengte zieh un, hattuom sungah halnatha tung theilou ahi. Carson Ericksen, “Hepina mittui takhat mai zong, hepina panglou a silpia thupitah sangin aman tamzaw hi” achi hi. Tua ahileh, nang bang chi’n na mittui na luongkhe sah ei? Hepina zieh a luong maw? Awle bangzieh a luong? Kivel chien in. Pasian adi’a na luonsah leh thawn vawtlou ding nanleh midangte enna, thangsietna zieh ahileh phattuom tuonlou ding hi.

Laisiengthou en vai:- Kipahna mittui luonna (II Leengte 22:20), Jonathan leh David ki-itna, mittui toh akikhenta uhi (I Sam.20:41), David a silbawl khelna ziehin kisia in akap hi (II Sam.12:13-23), Peter in asilbawl khiel ahing thei doh in a kap hi (Mk.14:56-72, Mt.26:69-75, Lk.22:55-62, Jn.18:15-18, 25-27).

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply