CAB duhloin Dec ni 10-ah MZP-in total bandh ram pumah nei dawn – ZALÊN
Get In Lamka

CAB duhloin Dec ni 10-ah MZP-in total bandh ram pumah nei dawn – ZALÊN

0
(0)

9th Dec 2019 | Get In Lamka

CAB duhloin Dec ni 10-ah MZP-in total bandh ram pumah nei dawn – ZALÊN
Aizawl: Mizo Zirlai Pawl chuan hmarchhak state thenkhata Citizenship Amendment Bill (CAB) hman tum duh loh entirnan December ni 10, 2019 (Thawhlehni) zing dar 6 atanga tlai dar 4 inkar hian Aizawl khawpui ah total bandh an nei dawn a. District khawpui dangah chuan bandh hi nei lovin zirlai ten a remchan angin sit in protest an nei ang.

Nimina MZP Executive Meeting chuan hmarchhak zirlai pawlte inthlunkhawmna North East Students Organisation (NESO) thu anga Citizenship Amendment Bill (CAB) dodala December ni 10, 2019-a Total Bandh neih dan tur a ngaihtuah a, MZP chuan CAB hi hmarchhak tan tha lo a tih avangin hmarchhak huapa he thil dodal hi tul a ti a ni.

MZP thuchhuah chuan India sorkarin hmarchhaka ILP hmanna state pathumte leh Sixth Schedule area-te CAB huamtir loh a tum tih thu hi MZP chuan tawk a ti lo a, thenawm state-ah CAB an hmang tho a nih chuan Mizoram pawh a tuartu a ni thei tih hi MZP ngaihdan a ni a. CAB-in ILP hmanna Mizoram a huam loh avanga a lawmawm a nih pawhin, MZP chuan chu aia lawmawm zawk chu zawn zel tha a ti a ni.

Hmarchhak zirlai inzawmkhawm NESO chuan India hmarchhak state thenkhata CAB hman loh tur tih leh hmun thenkhata hman tum si hi hmarchhak mipuite inlungrualna tihchhiat tumna leh then darh tumnaah a ngai a, hmarchhak mipuite nekchepna leh ram leilung fate aia ram pawn lam mite uchuak taka duhsakna lantirna tur a ni ngei tih hi NESO ngaihdan a ni.

CAB hi sakhaw thenkhat thleibikna a nih avang leh India Constitution a kalh bawk avangin a him lo hleah ngaih a ni a, hengte leh chhan hrang hrang avangin NESO in December ni 10, 2019-ah Total Bandh a huaihawt dawn ta a ni.

MZP chuan Mizote tana him lo CAB dodala total bandh a huaihawt tur hi hrethiam tur leh thlawp turin Mizo mipuite an ngen a ni.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply

×
×

Basket