You are currently viewing Churachandpur District ah kua ten thunei na chawi
Get In Lamka

Churachandpur District ah kua ten thunei na chawi

0
(0)

Churachandpur District ah kua ten thunei na chawi elected te maw mipi te.

23rd August 2021 | GetinLamka

I District sung ua development umlo ti thu ah genlesak social media zat chuam chuam in gen in ala um zing hi. Adiak in healthcare lam bang le ei Lamka Churachandpur mi in sumle pai I nei lo ziak un Meitei sum hau ten hun lua dim zo ding a bang tai. Bazar mun te ah la Kawlte leh District dang a hung kipan ten I bazar mun pi teu a lua diam zo tau hi. Zia lak ah chun, Pachat thei um sun chu Hardware Store bawl te ahiu. Amau hi tu chan thiang thotak a ding zo ineisun uh ahi tai. Amau business ah hin Kolte apang puau a, District dang le ahung lut thei diak puau. Zia gual ngen a hin I society um chiat leu hin duthusam tak ahi.

Ahinla tulai Manipur state General Election ding le ahun nai taw ki tawn in, I gam a development a umlo dan lam chuam chuam in mu thei in taklat in aum hi. Henglep Ambulance Services um lo ziak in Damlo kizawn thaw, Khawpi sung gawzuk ziak ah Nulla tuidimlet in khawpi sung sunawngkai, Medical College July tha patding thu tiam baw zui tu umlo leh Medical College Insak na quality control umlo, sawt pipi electric umlo, khawpi sung ah khutdaw leh khamthei bawl pun lam nawt, District kikawm tua na lim sak hilo tite leh thil dang dang nisin in taklat in aum zing hi.
Zia te siampha tu ding ahin kua te ahi itiu em mipi ten. Mipi thasang ah thugen ding itiu MLA leh MDC te la khut ngawn ahi dan uh ihe chiat ui. A ziak chu government in thunei na pe maleu ahawm ngen , a bawn hawm achawi sak un, thu hoi thupha gen maleu ngai sak ahi diak puau hi. Ahi leh mipi lam in bang gual pan lak ding ahi ta diam… Jobcard direct beneficiary transfer ding ti na ngawn le mipi lam ten a bawl thei le thei lo iki zat hel ziang un, Zia gual ah mipi mawl leh chual chum ihi na lak ziak un , neukhat a thiam zaw leh office chia dan he ten amau na taisan ah na eisep piak ua amau thaman ding piak chu I bawl thei uh um sun ahi tam?? Insung khat ah mizo sian lekha I zil zo puau a, zia chu pau me in, office channel helo leh sappau sim thei lo ti le I buai nau khat vang ahi . Zia gual din mun ah hi Bang chan ding ding ihiu em!
Tu gual ah hi I chia zawm zel uh chun, khanto na leh miphak na lam in chual chum zing ding ihiu. Zia gual ah changkang na um thei lo din mun a pat hin bang ti sua chat ding ihiu em?

Ei bawl thei hi ngal, I thatbei man a mi bawl sak ti hin I gam a khanto na atun thei lo ahi.

I hetlo na te midawt sang a, bawl lo le khawk sa lo, zia hin le I gam in changkang na lam pi eitun theilo ahi.

Mi bawl zosia thanuam,kukal na umlo a,Kintak ah hausak ut hile ikhan tolo nau khanmaw bawk khat ahi.

Mani sep daw sa nek ding gawlo ah mi sepsa nek guat zing hile I Genthei law nau khat ahi.

I sep daw sa leh Malsawm na I dawn teu etkawl dan thiam zolo le itam ui.

Zia gual ah hinkhua mang sek ihi ziak un, MLA leh MDC te teltel leu hin le I teldaw teu suak ah um kit ngen sek ihiu. A ziak chu va chia a vote va khaik di mai mai le khe pei lo, a khe peilo di sasan , va khe nang ka tia sum ne gu tho tho te khang ihiu. Tu len , Election ding anai ta, sum le pai hawl, nasep ding gawlo ah candidate te in a cheng ziang le bei puai tiu. Mipi te hin I bawl thei sasau a bawl thei lo dan dan a candidate te kiang ah iki gen sek ziak ua hin thiltamtak I khan to na diu a su vaigei hi. I na sem hitiu in Vote khiak nin I vote uh va khe chiat mai leuhin zia chun MLA leh MDC ten asep diu hun sem man bep ding uh ahi. Ei ten I tel dawk ua, I tel daw teu sep sak gawlo in ei maman iva sep kit sek guat ziak ua hin, I gam a kitel na election hi um Zia umlo I bat sak uh ahitai.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.