Covid19 lak ah Khawsak ding dan
Get In Lamka

Covid19 lak ah Khawsak ding dan

0
(0)

*Fund umlo ziak ah Covid19 dona kiak niam na um atiu chu dik mama kasai.*

I gam ah Covid19 a hung lut til lai khan Nasatak in Government leh Doctor te aki sing sau a, Dan leh Dun te siam in Fund te kai khawm in, Project te bawl in nasa tak in kisak khawl na leh kisingsak na aum hi. Zia gual ah kisingsak na kigin na I nei zaw nung ua tha 9months bang i hun do zing lai un, Government lam le hung chau tha ahi ta mai diam ?

Kalmasa ah pat khan Contact tracing, chawl san ahung hita,zia chun Covid19 Positive te,  In lam ah mani kienkawl thei ding ah kidawt thei hita in thu ahung um tai. Zia gual ah thil ahung um phat ah chun, Mipi lak ah nasa tak in ani ni in melma Covid19 chu zalen tak in ahung um tai.  Abul til ah Government kisak khawl dan leh Health Department lam te maw puak na piak ahi gual tak ah khan chia zawm zel hile tu gual lawm lawm hin melma ma ang in ki mual pho lo mai thei ahi. Ati leh tu hi bang law ta di?
Mipi te eimau leh ei mau iki ven phat ten uh a ngai tai, mipi iti phat leh CSO te tina hilo ahi. Mimal tin in maw puak na i nei teu sepdaw  a kul tak zet tai.  Govenment Fund tamtak nei te bawn chau thak tak uh le , CSO in khawitak Fund la mipi enkawl ding ? tu hi Government, Doctor,CSO haw ah ki ngak phat ahi ta puai, amau mat thei na hun aki khel tai. Tu hun hi mani leh mani,mimal tin ,Inkuan tin in thupuk na ilak uh ahun takzet tai. “Tuilo tho ding in, Heicha hiamtak a ki chawi ngai puai”, zia gual ah chun Covid19 do na ding in mi ah ki ngak hun ahi ta puai,Mani mimal ah ki nga ahi tai.

Mani mimal bang ti ki et kawl ding, Mani mimal ki etkawl na ding ah lam pi um thei te, La damlo khak ding ki veng zing in, Kiven ding dan ah chu Mipi lakah la umlo ding,Khutsawp zing ding,gua thawk guat lo ding, zia te sia hi phatak ah la zui sapin le khawsik leh sung na chu la neithei zing tho hi. Damlo na neisa te, hung khawk sia ahi chun, Doctor phone ah hopi masak guat ding, ahi theilo le adamlo doctor pa etna lekha te chawi ah  damlopuilo ah va kan masak guat ding,zia chu  ahi thei diak lole adamlopui ah etsak ding ah hi.
Khawima le pawtlo ahilo leh Khawlai pawt na hung khawsik ten bang bawl di, a mauten le Doctor te Phone ah dawt masak guat tei ding ahi. Pharmacy/Damdoi zuak te dawt lo ding ahi. La umna zil ah Doctor hawl in la tin, a last ah, alo theilo ahi chaule Damzawi zuak te  dawt ding bep ahi.
Damlo na neisa ten, khawksiat na anei ahi chun, Nidang ah a enkawl tu doctor ma taw ki het tua kin gang ding ahi. Damdoi in alo theilo ah chia di la kisak ahi le la insung mite taw kihotuak tak in decision lak ding ahi. Nidang gual ah Nu leh Pate kawtbul kan di phawt le chate liangbat chin hun ahi ta puai. Alotheilo ah Damloin chia ding lakisak chun,Mikhat or mi 2 la ki pedawk/select ding uh ahi.
Damdoi In chia kawm ah mun tin ah bang malam chin phat ahi ta puai.

_Doctor piak lo damdoi nek alau um dan:_

Neucha la gil anat ah laluchang a hung nat le amasa pen ah pawi maw chu Damdoi ahi. La gil akial le, la dawi masak pen chu thil nek ding ahi. Zia hin ngai tua veng veng le chin, Luchang nat leh Damdoi,Gilkial leh An nek di ti ahi. Chun,Thim isak leh meivak ding ti chu ahi sa ahi, ahin la healthcare ah chu I gil anat leh Damdoi nek ding ti ahi se se puai. I luchang anat leh damdoi nek teitei ding ti “Dan” aum puai.  Zia gual ngai dan i nei lai siau, i gam uh hi Cancer manufacturing State ihung hiu em ahilo leh kum 80/90 dam di te kha, Khawvel ah damkum chawm pen te hung hi pai ding ihi tau. Damkum chawm cha , piting man lo ah i thizel i thizel chun, Khang hung suse ding ahi. La nu leh pa, Apu api te etkawl lo ah tute hung khang lian ta di chu ngai tua le chin, Zia chu le khang ki khel na khat ahi pai hi. En leu chin,tu khat, Pi leh Pu te dawt lo chu, 99% selfish tei tei ding ahiu. Pi leh Pu te dawt khan nana chun, Lunglian tak in, lawi leh pai hun pawl in tin uh, Insungmite lungsiat danleh Insak In thang , Khua leh Veng te leh Zin te na tiang bawl dan kilawm takin a bawl thei sek ui. Ti gual ah khang kitup tak ah khang dawk te I nawp uh ahi chun, Doctor te damdoi piak chau taksang tak ah nek ding ahi. Siam kawm damdoi ,akipat na hiatlo, damdoi tamtak aum a, chuleh Damdawi bawm melhoi taktak a sung ah ah a mg kizik zat damdoi umlo tamtak aum a, Zia te chu 500mg gual in le ma le chin 100mg le phalo maithei ti um thei ahi ziak in , Damdoi zuak te kiang ah damdoi vak Chawk ah nek ziang hi lala chin khak ahitak inle, haisan guan.

Getinlamka @[email protected]

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply