EVOLUTION, BANG NGAIDAN NANEI EI?  Pastor M. Thangboi Zou

EVOLUTION, BANG NGAIDAN NANEI EI? Pastor M. Thangboi Zou

0
(0)

EVOLUTION, BANG NGAIDAN NANEI EI?

Pastor M. Thangboi Zou

Thumapui: Tam Evolution a bang ngaidan na nei ei? Chi thupi ahileh Ashley Bates, tulel a Harding University, Searcy, Arkansas atengpan anagel iphat tuompi diing uh kinem a kahing lasawn ahi hi.

Khristian ginum khat hi a science (telsuina) subject peipi pen a nei a degree muna dia ziltou ka hi na ginna toh kikal public school apuidan a umte kizohsalou ham ka tum gige hi. Khovel in Evolution leh Big Bang Theory atawisang den uhi. Telsuina gam a ginglou mite lah ah pomtah akikha Meithei a, ei Khristian ten akilawm-lawm a piekhieh ahina tah atah bangin ikoi thei sih hi.

Big Bang kichi umma ahi ichi phot maivai. Ahi, Bang in tam (Big Bang) umsa adiei? atom, particles, leh materialte hoi a hing kipan ahi uai? leitang khu lamdangtah a hing kibawlma ana diei? Mawltah a genin, sil bangkim bang ahieikhat kipan ahing kiapn khiet angai a, hing maw umkhiet ahisih hi. Mulmallouna kipan hoita apeina (chaos-to-order) nangawn ka ngaituana a bangma ahi sih hi. Tamteng hoi hingkipan ahiei chi gentheina umsun khu ahileh Laisiengthou ahi hi. Gen. laibu sung ah “Pil-le-siem a guonggal” ahiden akichien hi. Gen.1:1 nan, “A chil in Pasian in lei-le-van asiam” achi hi, tamna kichien hilellou maw?Tami khu Khristiante adiingin dih, nanleh Scientific world adiingin dihlou, tua ahileh, pil-le-siam abawltoh kisai bang imu ei? Bangzieh a hinna hing kipatna toh kisai a hing pieng ahiai? Telsuimite nialkalnate Khristian ten bangchin I dawngta diing uaile?

Ahi, telsuimite zousie in evolution khu adawnna chi’n apomsih ua, tua telsuimi pil-le-siem abawl ahichi gingta zousie in, abawltu khu Pasian ahichi pomsienglou uhi. telsuimi atamzawten chetna mukhiet a umten bang ahiei khat Neo-Darwinism khellam pan hingzawpi ahidan ka theikhe thatha hi. Darwin in azil a asuizuilai kumte a, thuzohna ah abawlkhiette khu tulai a teng sangin suonlam bawlthei zaw ahi hi. Aziehpen tuahun lain koima DNA leh Microbiology peidan theichien umnailou hi. Hinanleh khensenglou sil hamsa, sil zousie muh aumte hteitheina tulai a aumta zieh in, telsuimite zousie adiingin evolution khu hinna hingkipatna ahi chi pomthei ahinawn sih hi.

Evolution ichi hilchetna tambang ahi, “khang tampi pei nunga neu nounou, awl nounou a pianzieh kikhel” Neu nounou a kikhelna? Darwin in Origin of Species achi in atup-le-ngimte bangmalou suo hi. Tuamin amoeba khat akipan 100 trillion mihing tahsa tunga kikhuikhawmte abawl achizieh in?tami neu nounou akikhelna ahi kichi theilou hi.

Gen. 1:26-27 nan, Tuachin Pasian in “I kibatpi eima meel bangbang in mihing siemvai in amauh khu tui a ngate, tungleeng vate, gantate, leitung pumpi a ganhing, lei a bohvah zousie tungah thu nei sah vai, achi hi. Tuachi’n Pasian in ama kibahpi in mihing asiem a, tualeh ama limlemeel puo in pasal leh numei asiem hi” chin agen hi. Tamin mawlta in mihingte tahsa pumpi compels tah khu, hun bangchituh in sawt lut zongleh, sisan cell lel a hingpiang nieguollou ahidan ahilchien hi. Gen. 2: 7 nan, Tualeh Mangpa Pasian in, “lei a leivui in mi asiem a, anahkosung ah hinna hu aha khum a, tuachin mi khu hinna nei mihing ahing suohta hi’ chin agen kia hi. Tami Tang sunga Pasian in mihing siem ahidan agen chieng a, amoea ahiei, Zawng pan hing kisiem hilou hi. Hinanleh tulsui nagam a miten dotna bawltheima uh, akhupsitna un telsuimite kam humsah ahi gige leh, telsuina gam (scientific world) ah nasep diing musa bang ahi a, hinanleh pil-le-siem a bawl ahichi ngaidan nangawn nakup leh, hingdal diing ua, hing tawpsa pai diing uhi.

Khristianten tambang dinmunte ah ilutang idawpsang diing uh ahi. Telsuina a zillai (student) kana hi a, public school leh collegete ah syete toh mipi lah a kisellou diingdan ka kizil a, hinanleh la lungtang sunga thidih kakeem a tuamin ka ginna asubuoi khah sih hi. Tun, Harding University ah undergraduate ka hina a, A zilsahna ua Pasian amasapen akoi professorte ka nei hi. Khristian environment damthei huoitah lah a science ka lunglut a khangkhe theidiing ka hidan ka mukhie hi. Kei mimal tahin, ka siemzilna tungtawn in, “micro evolution” gintat khat ka nei hi. Tami bang kagenna adiei kang hilchien diing hi. Sil hing khat khu ama-le-ama hingkhang ahidan ka gingta hi. Tam Ui chikhu Orlando gamsa gam a Uite a ilasawn hileh, mul sauzaw apoimaw nawn sih diing hi.Tua mul sauzawpen nei uleh, Florida gam mang lah a mangthai diing uhi. taumi ziehin, hun hingpei jelin, tua Ui in atenna gam thah toh kituopi din mul thah “hing pieng” diing hi. Hun bangtan ahiei sunga tam ganhing akipat neu khat kikhelna um igen uh ahi hi.

Mihingte Zawng a hingkipan chi khu ka sunga um tengteng toh ka pampai hi. Genesis inTungman akipan Pasian in mihing siem ahichi hinggen ahiman in, zawng apan chikhu sil awmlou/ hitheilou ahi hi. Ka ngaituona a hing um kaht ahileh, zawng apan hing kipan ihi uleh, bangjieh tunitan a zawng um nalai adiei? A khente mihing kisua ahileh, bangjieh a a unpia/ abawn a kisuo siengthei lou adie? Evolution in tami peipi zing ahiman in puzzle thua thua thei ahisih hi.

Khristian gin-um hina a, ilutang i domsang diing ahi. ka zil khiette lah a poimawpen khat khu Laisiengthou haamna a haam a, asipna munte a sip diing chi ahi. dotna teng lah a apoimawpen leh mi’n Khrist leh Hundamna anei pomna ahi.

Next Issue a, “Laisiengthou leh Evolution” chi thupi ikikum kie diing uhi.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply