FAIL A PUANSA AH UM,NUMEI KHAT STATE PUMPI A DINGA 3RD POSITION TUNG IN PASSED THAK SAK

0
(0)

FAIL A PUANDAW A UM ZILLAI NUMEI KHAT STATE PUMPI A DINGA 3RD POSITION TUNG

Huncheng a Board, Council leh University nuai a zillai hunkhop final examination a concerned authorities result apuandaw na a fail in khawnunga sangtak tak a pass zillai aum zing gual in tuchun Manipur University seppat na nuaia BSc Geology Honours Final Semester result ala puandaw na a fail zillai numei khat chu state pumpi a dinga 3rd position holder ala tungzou ahi dan hiatdaw in aumkit ta ahi.

Zia thu taw kibang a zanni a Democratic Students’ Alliance of Manipur-Thoubal District Council (DESAM-TDC) President Surjakumar Oinam thusua mite akimupina achun Manipur a thiamzil na mun sangpen MU in ziagual a kilom lou tak a sukkhial anei uhi zachat umtak ahi, authority concerned ten kitup tak a duty abol lou ziak uh ahin, zia hin mipi taksang louna liantak akihedok in, thusua hi khualchilna nei a maw na neite Dan dungzuia gotna piak dingin dawtna anei ta ahi.

A fail a puandaw hin state pumpi a dinga 3rd position holder ala tung zillai numei chu Waikhom Mani Girls College Thoubal a zillai leh Thoubal Nongpok Sekmai a cheng Arina Begum ahin MU in tumasang deu a final result apuandaw na achun fail ahin, hinla hunchawm khat zaw in MU controller of examination (I/C) in corrigendum (sukdikna) ahun bol in Arina Begum chu state pumpi a 3rd position holder ahi dan apuangdok ahi.

Chuleh BSc zoology achu zillai 59 bep ahin zia lak inle sukkhial aumthei ahile concerned authorities techu ginchatna ataksap deudeu ban a tuni chana Waikhom Mani Girls College a Principal apat thupuan umlou pawimaw asakthu DESAM President chun apuandaw ban a khualchilna nei mawna neite gotna khautak piak ding in dawtna ala nei ahi.

Arina Begum in thusua mite ahiatsakna achun result a fail kahi ziak in maban a lekha simna dinga kala kigua tapuan tuhin ahun zosia akikhel tan, chuleh zia gual a hi a um kit louna dinga concerned authorities in pan alak ding inle dawtna anei ahi.

📁__Admin__
*Vaiphei Tawngsua*

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply