You are currently viewing GEN HAT ZIAK AH LIAN TAK TAK KUAMA UM LO AHI
91Lamka Restaurant @Lamka,Churachandpur Phone: 093668 86624

GEN HAT ZIAK AH LIAN TAK TAK KUAMA UM LO AHI

0
(0)

GEN HAT ZIAK AH LIAN TAK TAK KUAMA UM LO AHI

Manipur state phaigam leh tanggam hih bang ti’n I ngaitua ngai uh em? Nidanglai in chuh, inkuan tam lo cha, mawl kipkep in ala khawsau ah. Um na gam chiat in kilungsiatna ala kilantua thei ui.

Chawmlam ah gen in, khawvel chiazel in inkuan kipung hat mama hi. Gam chiat ah cheng te tuhin, chenghel tua in I um tau.

Mipi pungzel in, government sepna, business khangto zel in, khenchuam um lo in kitaksaptuana ziak in muntin in I kikal hel tau. Nidanglai kilungsiatna kha taksap awnghuk tu leh ki pawimaw tuana’n a tum mang hiai hiai tai.

Manipur state neucha, sum leh pai tampi, a lutna mun leh a chalai mi tawmcha. Khangto ma ma himaleh inchen lo chen ah khankhua kithaw thei talo. Khankhua ah kihepina, kingainatna, kipanpina, kizatuana leh tawmngaina te lemchang lakna gual ah um zo ta.

Hina khel ah dawitelna’n vaihawmta. Suapi sanggam kiang ah inchen siam sang ah gam dai khellam ah bupang kisep ta. Mi gam apat In gam sawkna thupina gual ah kikawi. Hina champalak hilam kihemil zen ah mani dinmun In gam ah busiagua mi tawsawt ve mai mai kitam ta!

Pu leh pa te chawndan ah khankhua te vawptup lo lawi upa kitam. Politics he kisa, du amna ziak ah In gam sawk buai khawk salo a pil val kitam. Thankik gual ah insung ngainat bawl, si- al gual ah gam leng vel vel I um ziak un insung thuval a tam hi.

Lungthim dik tak sel mang, muk leh kam mangcha mimal lawkna bep hawl. Ahi gual gual ah mi ngainat bawl, lungthim kamkei gual. Mi’n a ngainat bawl leh bel hawmpi gual. Zia chulah, butin sazu’n a baw gual ah khawsa zing.

In gam leh gam gua kikal ah pu leh pa kilainatna si-al palai gual in um ta maleh, la kipatna mit phet kal ahi nalai ah. Tanggam kihepina phaigam ah insawng sangtak apat kiaksak, lei ah tum mang zo tai maw….!

Khankhua dungzui ah pu leh pa chawndan dik tak, a lim mai hilo ah, thil lian te pakbang kituam hi. Ahinla, Sa- ngak palai thankik gual mai in In gam a liap hi. Himaleh, pu leh pa lenna tanggam, khuambang a kip hi.

Chawl mai ta’n, ki nunghei mai ta’n, Sial chal bang Si- al hinkhua.

–PaUdEuLo–

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.