HAOSA HON TAHCHAPA ATILOU LEH KUKI GAM KICHAI DING AHITAI
Mark haokip

HAOSA HON TAHCHAPA ATILOU LEH KUKI GAM KICHAI DING AHITAI

3.3
(7)

HAOSA HON TAHCHAPA ATILOU LEH KUKI GAM KICHAI DING AHITAI

~Mark Haokip

Revenue policy, Forest Act leh China’s Global expansionism policy Kukite chunga kimangcha jing ahitai.

Tulai Meilhei te ideology chepi hi eiho dia haset set a sea ahi, aphatna kiti mong2 umlou ahi.

China ten Sri Lanka te chunga business policy khat achepiuva, politician hole alen alal ho sum tam tahtah apeh uva luxury life amansah uva, sum asah joulou diu abat sah uva asah lel phat uva Sri Lanka International Airport alah peh u, seaport ho alah peh uva control abol tobang uva Meilhei ten eigep gep jengu ahin tamtah jong sum thahat a ajou ahitai. Hitobang policy hi achepeu ahi.

Chule British hon Assam tea garden tua Barak valley gam sunga forest Act ana chepeuva, kuki kho holeh gam ho chunga forest Act imposed ana bol uva kho tamtah ana suhmang uva, agam tea garden ding ahitia settlement eina suhmang peh hou formula jong Meilhei ten achepiu ahi.

Kuki nam sunga paokhat tho te bou hi eikichat u ahin pao dang tho hohi imading jong ati pouve, chin hill le Mizoram gei a politics a akichat louvu ahi, ajeh chu a identity u Kuki apom lou jeh uva inacha ding atilouvu ahi. Hiche jeh a Mizoram Chin hills le Manipur kikah Behiang a hi kibulphu a Kuki Chin group sese hi toupha a control ding atiu ahi. Sum thahat a British te forest Act policy le China te business policy teni manchah a alen alal jouse suma kichoh doh a noppal thin ding atiu ahi.

Hijeh a Haosa ho ichih thei louleu koima nam ngailua natong umlou ahi jong ihet sohkei u ahi. Sum ngailut le leadership focus nam natong ngen ahi jeh a gam huh ding hi haosa ho tailou adang umlou ahitai.

Tua Manipur sunga hill district jouse jong adinmun sei hahsa tam ahitan, kum ijat ham jouteng direct valley revenue administration noi a Kuki gam ahina kisubei ding ahitai.

How useful was this post?

Click on a star to rate it!

Average rating 3.3 / 5. Vote count: 7

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply