*HENGJANG KITHANA CM IN DEMNA NEI, HAPTA KHAT SUNGA MITHAT TE MATDAW DINGA KUKI CSO TEN CM DAWTNA GUALA HUNTIAM BELAP

0
(0)

*HENGJANG KITHANA CM IN DEMNA NEI, HAPTA KHAT SUNGA MITHAT TE MATDAW DINGA KUKI CSO TEN CM DAWTNA GUALA HUNTIAM BELAP*

*🇵🇪VAIPHEI TAWNGSUA✍*
*La Nam Chawisang In*
🗓 Muktha 12,2019

Dawi umlou leh kilom loutak a Wednesday ni a melhiat lou vanmatchak choi ten Kangpokpi district Island (Phailengmol) Sub Division huapsung Keihao leh Hengjang kikal a Hengjang hausa Thangneo Kipgen leh Thangminlun Haokip kitha na thusua chu Chief Minister N Biren Singh in demna sangtak anei ban a luangman dangka lakh 5 chiat piak dingle hapta khat sunga mithat te matdaw tei dingin Kuki CSOs te ma in ala puangdok ta ahi.

Thusua toh kibang a zanni a Kuki Inpi Manipur President Pu Khaimang Chongloi makaina a Kuki Inpi-Kangpokpi, Kuki Inpi-Saikul Gamkai, Kuki Inpi-Phailengmol, KSO-general headquarters, KSO-Imphal, KSO-Sadar Hills leh Kuki Women Union-Sadar Hills tele adang dang te panga CM Chamber a kihouna ala nei nau a Kuki CSO ten mawna neite matdaw a thudik puandaw ahi masia thiluang lak lou ding ala tiu ahi, hinla CM in dawtna anei dungzui a hapta khat sunga mithat te matdaw ding le thiluang lak dingin ala lemsa tau ahi.

Chuleh kihouna a pang DGP LM Khaute,
IG (law and order) Clay Khongsai; DIG Themthing Ngasangva leh SP concerned te ala pang un hunsawt tak kihouna aum zaw nung in Kuki CSO ten mawna neite matdaw a thudik puandaw ahi masang chu thiluang lak lou dinga thupukna anei uchu CM in vel et dinga dawtna anei taw kitona CM dawtna guala ala sanpiak uh ahin, hinla CM in akitepna guala sukbutin ahilou leh kiphinna nei hiding inle CM ala hiatsak uh ahi.

CM in kihouna a pang DGP leh Concerned ten akinthei pen’a mawna nei mithat te matdaw dinga thupiak anei ban a thina tuak Thangneo leh Thangminlun chu Goverment in a inn sung mite kianga luangman dangka lakh 5 chiat piak dinga ala puandaw taw kiton in dangka lakh 2 chu akinthei pen a piak hi ding avat dangka lakh 3 chu hunchomkhat zawle piak hi ding ahi tin le ala puandaw gualin dangka lakh 2 chu akinthei pen a dingin DGP chu ahiatsak ngal ahi.

KIM makaina a Kuki CSO ten CM dawtna guala ala sanpiak utaw kiton in thudik puandaw ahi masia bangma zosia
Kuki Inpi Kangpokpi in maw apuak dingin KIM in piakthakna anei ahi, chuleh CM dawtna guala thupukna vet etna kinei ahin tuni a pat hapta khat sunga nasem aum lou le kiphinna kinei ding ahi tin KIK General Secretary Lamminlun Singsit apuangdok ahi.

📁__Admin__✍
*Vaiphei Tawngsua*

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply