You are currently viewing HEUTU – PATHIAN THEI I GAM IN A POIMOH
Mawi Tombing

HEUTU – PATHIAN THEI I GAM IN A POIMOH

0
(0)

*HEUTU – PATHIAN THEI I GAM IN A POIMOH*

📝 _Mawi Tombing_

_Heutu makai ichihte poimoh petmah i gam in a taksap gam it taktak Pathian a kipan a itna nei poimoh lua hi. Pathian theilou heutu a hih chiangin a gamtatna uh mulkimhuai in chidam huailou hi. A zawng a hau khentuamlou mi ettheih leh ettheihlouh a khen louh ding Saptuam hi in pawl tuamtuam ah By-law dan om chiat hi. Huchibang dan te zui thei a, mi nautang et a mi pi adi khual thei mahni adi kia ngaihtuah lou a daikilkal a mite awlmoh a itna toh vaihawm I gam in poimoh lua hi.. Pathian neiloute vaihawm zuih hak in thuakhak mahmah hi. Huchibang mite tuh heutu dia chinglou zat taklou uh himai hi.._

“`Heutu ka hi chi a mahni thu kia dik sate, heutu hih na suangte, heutu hihna kisaktheihpih a kiletsakna a zangte nakpi tak a hih khial ahi uh… Kipil sak a ki fel sak a om fenfan a hau kisa a ki deih khopte heutu ching lou uh ahi.. Mahni power suangte gam leh nam it ahi thei kei ding hi. Ka thu ahi – ka thu pai chi a heutu khat mai-etna leh maipha zonna zahtakna lel a vaihawmten chikmah chiangin i gam i nam in damna amu kei ding a, innsung khotang su minsia leh su mualphoutu ahi lel uh hi. Na dam sung teng heutu hihna nang a kia ahi kei ding a, thuneihna le na nei gige kei dia, na thu le hongpai gige lou ding ahi chih le thei kom in Heutu na hih sung in pilvang tak in na hi khua zang in..!!“`

*I paunak in LAL NGEILOU LAL ANA ana chih adikna tangtung sak a pangkha i hihkhak di lauh huai hi. Heutu na hihlai a mulkimna bei a na gamtat a na heutu hihna abei hun chianga a pap na khuk khak di ki vengin na maban saupi en in. Na innkuante leh na tate tan in a pap na khuk sakkhak di lauhhuai hi. Dai kilkal a mi genthei tagah meithaite a pau zoulou a nawlkhin a omte khasiatna pap – phuba la thei Pathian hing nei te ihi uh. Na ta khang in a thuak ek ding uh, na sep a na mi bol siatna vai diktak a na paisak louh a, dan palsat a na gamtatna mi pau zouloute tunga na tatsiatna, na mihinpihte itna neuchik le neilou a na gamtatna nikhat ni chiang a na zi na ta in a pap thuak thei ahi chihle thei in Heutu na sem thei le maw.. Pathian in hon it lotel ahi. Pathian itna koppih in nasem in vaihom le i gam i nam hong chidam dia….ninsung hong chidam dia… i zi i tate adin vualjawl na i hong hi ding di hi. Tua hun ding ngaklah huai na mai zen e..!!*

“`Heutu haiten a heutu hihna uh a suang ua, heutu hihdan a siamkei ua ahih na uh mangngilh di khop in a kiliansak ua, mipi a din mihai a suak uh hi. Heutu pil in ahihna a san zoh khop leh a kingainiam deuhdeuh a apil na a hong dawk hiai hiai a, mipi te adin mi manpha hih a tum a, mite ngaihnat a tang hi. Heutu hai ichihte lai siam lakloh, a siam a lah simtheihlouh te ahi uh hi. Pil lah pillou a hai khia lah hi vetlou te huchibangte milaklohte ahi ua, a gu-uh thuak hak hi. Mihai in i hai man nek ek theih ahi a, mipil in ipil man itu-ita khang tana vualzawlna tuntu hi thei ihi chih phok gige kom in kalsuan ni.“`

_Toupa lau kawma, zahtak a itna toh heutu nna semthei ding leh amah deihdan a vaihom thei din Toupan hon vualzawl chiat hen aw.._ 🙏🙏

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply