HINNA DIK TAK JESU AH

HINNA DIK TAK JESU AH

0
(0)

*HINNA DIK TAK JESU AH*

Hinna dik tak chu Jesu Krista a um ahi. Taksa lam hihenla thagau lam hitaleh Jesu i hiat a, ama i nei chun Hinna dik tak ki nei hipan ahi. Jesu chu va mawk het ding tina ahi puai. Setan inle Jesu chu kua ahi ahe chian ma ma ahi. *Jesu he Jesu chenna te chu mi piangthakte ahi mai ui* Mihiam khat taksa hinna nei chun thagau khat a nei hi. Khenkhat a hethiamlo ten hinna(taksa/body) leh thagau hi a chuam bik in a ngaitua kha sek un ahi. Taksa hinna (mihiam) khat chu a thagau tawh hingkhawm zing in, lei taksa hi athi phat leh aki khen bep uh ahi. Hukdam chate chu ahinnau(taksa leh thagau) chu Pathian a ahi. *Biakna lam hem ahiloleh kikhawpna lam ah Thagaumi hi ching ma ma,taksa lam ah la khawvel mi ma ma ngal ti um theilo ahi* Kei ma phasak dan leh dawitel dan ah hinkhua ka nawp dan dan ah kamat chun kei ah Pathian a umlo ahi. Pathian he, Pathian nei hukdamna kichian neilo kahi mai hi. Tulai kam pau ah minthang leh gennop kisa ma ma *ahun leh mun zil ah* ki adjust thiam Kristian kiti, Pathian nasem kiti tam talua ahi. *Nang phasak dan dan leh tulai hun tawh ki mil ding ti’in Bible,Pathian Thu hi heituak gua kin. Bible tawh kituak in nang ki hei tuak gua zawh in*

Fake Christian,false teacher, fake Pastors,kochuam hotu lem atam didan hi chu aw…….vak ki ngaitua tak tak tia, nang kua la hi em Pathian a ding a? Aguk ah labawl, la suangtuana phalo, nangma minphatna ding leh nangma lalna ding bep ngaitua a, la hinkhua lamang ah,zilsaktu diklo hinkhua lamat dan haw leh adang dang tampi um in ah: Pathian in ahung he chian e, ahung mu zing sam vei Unau…

*☦Ka malam ah hungte zosia kha gucha leh suammang a hiu in; belamte’nle a thuu a la ngai puau hi. Keima hi kotkhak chu ka hi. Keima ah hung lut chu bit intin, lut in pawt intin, nêk dingle mu’n a. Gucha chu gu ding leh, that ding leh susia ding longal in a hung ngai pua’n; kei ka hileh chu mi tam tak in hinna a nei ua, tam tak a nei theina ding ua hung ka hi. Keima hi belampu pha chu ka hi; ka belamte chu ka hia’n, kei â te chunle keima ei hiau hi*
JOHAN 10:8‭-‬10‭, ‬14
Zia Jesu thugen hi a khau ma ma ahi. Kristian khat kiti hingal sam Jesu aa hilo, ama hiat khaklo te ihi ding lauthawng um ma ma ahi. Jesu hi Belampu muan um, ginglelna ding umlo chu ahi. Belamte ading in kingakna, thamuanna kim chu Jesu ahi. Nang le kei le zia khawvel vaihawmtu setan suak leh sal apat Chawldamna bukim beplo bei tik umtalo ding kumtuang hinna i nei na ding in, a hepina aw nem in ei ko zing ahi…Jesu ah HINNA dik tak chu a um hi.
Israelte babulon saltang lai un, a hotute uh (lawi upate/leaders) teu in amau ading bep geel in, amau phatchuamna ding bep asep ziak un, mipite ala vakvai un, haksatna tamtak a tuak uh ahi. Tu pet dinmun in ei haw lakin le hotu mipite phatchuamna ding leh bitna ding buaipilo, mani masial, mani phatchuamna ding bep a buai, Belampu lem leh nam hotu anam mipite ading ah lauthawng um ma ma kitam lo ding ahem? *Jesu Hepina chanchinpha* gen leh hil sang ah kochuam sum leh pai mutam nading thu, semtute thalaw/salary punna ding, building thupi tak tak sakna ding Tangko pi belampu lem te chung ah Pathian vaihawmna anat didan vang ngai ngam a um puai.
Sum hauna, khantona, damtheina dawi ah hukdamna neilo mani phur dan dan ah Thagaumi kiti AMEN group ahem i buaipi uh hi? *Thuak gimna panglo ah limna Gospel lem ahem nang la buaipi?* I gam ua hin Phung leh chang leh nam thil ah buai, khenchuam nei Belampu lem (false/fake Shepherds)tampi tak um ngei in ah e.
Pathian in zawlnei Ezekiel kiang a ala tiam gual ngei in *BELAMPU PAKHAT* a belamte hepi a, duat leh enkawl ding leh a belamte ngei ading ah ama hinna pe phal Lalpa Jesu Krista chu kum 600 zawh in ahung ta ahi.(Ezekiel 34:23;37:24) Jesu chu zia ala ki gen lawk belampu khat chu ahi. Ama tilo belampu dang a umlo ahi. Melma setan vaihawmna nuai a saltang; mipi thelthang leh vakvai te chu puikhawm ding in ahung ahi.(Luke 15:1-7)
Zia Belampu diktak Jesu chun nang le a hung ko zing ahi. Ama muang inla, Ama bel mai lechun chu kisik tik um talo ding thupukna ladik pen hinla aw unau. Kumtuang hinna ama kiang bep in a um hi. Jesu lei ah a lenlai inle Panpi ngai mi haksa, genthei, damlote,demkaite leh mipha zolo te haw lak in hun amang tampen ahi. Khenchuam neilo Belampu chu Jesu ahi. Apil, aching, athiam leh mihausa deu ahiloleh agenthei deu te panpi chuam nei Belampu lemte gual ei puai. Chapa gilo apa angsung apat taimang ahung kile kit ding ngak zing gual in Jesu’n nangle aban zak in ahung ko in, ahung ngakzing hi.(Luke 15:11-24)
Pathian siamsa leisiat mihiamte,thagau manthai te chu puikit ah hukdam ding in a hung ahi Lalpa Jesu chu.( Luke 19;10)

Lalpa Jesu Krista ah Hinna a um hi. Kumtuang hinna, khawvel sum leh pai,nei leh go ah chawk thei gual ahi puai. Nang leh kei mangthai din ei phallo ahi.
Pathian in a Hepi ma ma te lak ah khat chu nang la hi. A telchuam, a DAWITEL chuam la hi ti ki hechian in Jesu lam ah kihei tadin thupukna la theidin ei malsawm tahen. AMEN.

@GL Muana

*THY KINGDOM COME*

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply