Hmar Inpui hmalakna hnuoia Hmar hnam sunga silai chawipawl haiin inpumkhatna Thuthlung (Covenant) an ziek

Hmar Inpui hmalakna hnuoia Hmar hnam sunga silai chawipawl haiin inpumkhatna Thuthlung (Covenant) an ziek

0
(0)

BREAKING NEWS!

Guwahati, June 27, 2019, Virthli (ONP): Hmar Inpui General Headquarters hmalakna hnuoia Hmar hnam sunga silai chawipawl hai inpumkhatna dinga Manipur Bhavan, Guwahati, Assam hmuna hnam thuoitu han inkhawm an nei chu tluong takin a fe pei a. Hi huna hin Hmar Inpui hnuoia pawl/affiliated Bodies hai, Hmar hnam sunga politician hai, Assam, Meghalaya, Mizoram le Manipur a’nthawka Hmar hnam țhuoituhai, Hmar Inpui thuoituhai kim taka fe khawmin ro an rel a. Vawisun khan Hmar hnam sunga silai chawipawl hai chungthu ngun taka ngaituo le rel ani a, hi huna hin silai chawi pawl hai chun inpumkhatna Thuthlung (Covenant) an lo ziek tah. Hmar Inpui chun a hnuoia ang hin mipui hriet dingin thupuong an suo.


INREMNA THUTHLUNG ZIEK

Camp: Guwahati, the 27th June 2019

Guwahati: Hmar hnam sunga silai chawi pawl hai sukremna dinga Hmar Inpui hmalakna chu a la fe zawm pei a.

Hmar Inpui General Headquarter hmalakna peiin Hmar Hnam sunga silai chawi pawl tum tum hai chun vawisun tarik ni 27th (Ningani) June, 2019 khan Manipur Bhavan, Gawahati, Assam hmuna inpumkhatna Thuthlung (Covenant) ziek ngeiin siem a lo ni tah.

Hi inpumkhatna thuthlung (Covenant) hi Hmar Inpui sunga Affiliated Bodies le Hmar Hnam sunga Elected Members hai Pu Dr. Chaltawnlien Amo, Pu Lalhrillien, Pu Lalditsang, Pu Lalhmangpui, Pu Lalhossan, Pu Ngamrothang hai hrietpuina ngeiin Hmar Peoples’ Convention – Democratic (Manipur Region), Hmar National Army, Hmar Peoples’ Convention – Democratic (General Headquarters) țhuoitu haiin an pawm ngei a nih ti suklang le namnghetna in suoi keiin an remti tlâng a nih.

Hi huna hin HPC-D (President) pawl hai chu remchang nawna leiin hung țhang thei loin an um a, nisienlakhawm, hi inremna thuthlung (Covenant) hi an pawm ve ngei a nih.

Inremna thuthlung ziek a ni ngei theina dinga Kohran nu le pa, mi tlawmngai hai țawngțaina a lo santuhai po po chu Hmar Inpui General Headquarter in lawmthu a hril.

Hi huna hin Assam, Meghalaya, Mizoram le Manipur a’nthawka Hmar hnam țhuoituhai khawm an țhang tawl a nih.

Hmar Hnam damzing raw seh.

Sd/-

(Francis Songate)

General Secretary

(Joseph R. Hmar)

President

HMAR INPUI, GENERAL HEADQUARTERS

@ https://www.virthli.in/2019/06/hmar-inpui-hmalakna-hnuoia-hmar-hnam.html

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply