You are currently viewing HON IIT TU NA THEI TA HIAM? ✍️Mawi Tombing

HON IIT TU NA THEI TA HIAM? ✍️Mawi Tombing

0
(0)

*HON IIT TU NA THEI TA HIAM?*
✍️Mawi Tombing

Tulai in igam ah itna, kihehpihna nakpitak in ki tasam hi. Pianna nu-le-pa leh sanggam pianpihte nangawn it zou nawnlou, mihinpihte leng it zou nawnlou kitam mahmah ta hi. Ki itna leh kilainatna ten hon lenmang san bang ta hi. Pathian itna a kitak sap luat ziak ana himai mah hi.

Khovel in a honpiak kipahna leh lungnopnate izong sek ua himahleh huaite’n bang mahtan a daih kei hi. Nu-le-pate ah kipah na I zong ua huaiten leng bangmah tan a daih kei hi. Khovel in apiak lungnopna leh kipahnate zaw loupa paak bang lel ahi. Lawmte kipahna taktak zaw I Toupa Jesu neihna leh amah kiang kia a om ahi.

Nu-le-pate’n leng hon itlua uh himahleh amaute ki-itna in zaw bangmah tan daih zoulou hi. Hotdamna lampi hon kok muh thei ua himahleh hotdam na hon pethei lou uhi. Jesu kia in hotdamna honpia thei hi. Khovel ah i hoih ding, vualzawlna itan ding hon deih sak lua uh himahleh vualzawlna hon pethei lou uhi. Jesu kia in hon pethei hi. Hon deihsakna uh leh hon itna un vangam hon kai sak zoulou ding ahi. Tangtawn hinna hon pethei I Toupa Jesu kia ahi. Amah kiang ah kitulut in i khelhna tengteng a khebul ah nga ni, i vangik puak lamang thei Jesu ahi .

Awle, lawmte lei thilte tangtawn daih ding omkei chih itheih sa ahi. Tang tawn thilte kia lamet in nei ni, huchiin isih nungchiang in ikha nuamsa in a kipak ding hi. I damlai a i sihnung hun ding gelkholh ngai ahi. Na sih nung chiang a na hinkhua bei mailou ding ahi chih thei in.

Toupa itna bang itna dang omlou hi. I Toupa Jesu Khrist in a hon itluat man in eite gitlouhna teng leh khelhna teng pua in Kros ah gentheih na chiteng thuak in hong si ngam hi. Nang leh kei Itna taktak a hon it Jesu kia ahi. Na ki theihmoh bol ngam dia hia? Hiai bang a itna thupi dang om nawnlou ding hi. Toupa’n tutan hun hoih leh damna hon pia a, a hon ittu itna na theih kei leh zaw mi vangse pen na hi ding hi unau.

Ganhing ten leng amau ittu leh kemtu thei ua, Ui bang in akemtu lungkim leh lungkimlouh a thei hi. Mihingte sang a manpha lou zaw bawl ganhingte nasan in amau ittu leh kemtu a theileh bangziak a Pathian batpih a bawl a om mihingten hon ittu leh kemtu theilou a om ding ihia, mihingte manpha tak a bawlte ihi ua thilsiam teng lak a Pathian in hoih honsak pente ihi. Kum hiaitan damna honpia a nang hon ittu tutan a theinuam lou a na om leh mi hehpih huaipen leh vangse pen hi ding na hi.

I Toupa Jesu’n hon itna ziak in mualphou na leh haksat na chiteng hong thuak bang in amah nungzuite’n leng sih tanpha a zuih ngam ding ahi. A hon itna na muhchet taktak leh hinpih ngam in na gum ngam ding a, na valpih ngam in na minsiatpih ngam ding hi.

Simtute’n I Toupa Jesu Khrist hon itna thei Chiang sem din Toupa’n honvual zawl chiat hen aw.🙏🙏

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply