Hqtr. Veng in Anti-drug operation pankhia
Get in Lamka

Hqtr. Veng in Anti-drug operation pankhia

0
(0)

30th Aug 2019 | Get In lamka.

Headquarters Veng Village Authority, Cemetery Board leh HYO-te’ joint meeting thupukna bangin HQ Veng ah khamtheih hih, zuak leh kipiaktuah chihte dalsawm uh a, huai pen HYO makaih a, August 29, 2019 zinglam dak 6.00 a kipan Vengsung teng ah Anti-drug operation pathiak in om hi.

Operation masapen ahih dungzui in IB Road-Tuinom Road junction a kingakkhawm masa in khosung makaite’n veng sung a mun kilkawite leng enkhia uhi. HQ Hanmual, HQ Football Ground, YVA & KKL Hanmual, SDO tang leh a kim-kiang area a etkhiak zoh un District Hospital kong lak leng vapha uh a, huaizoh in DC’ residence kong ah briefing saulou nei in kikhen uhi.

Thusuak dan in, operation pen khawllou a paizom ding hi a, HYO in duty roster a bawl uh zuih hiding in kigen hi. Numei naupang muh ding a deih huailou khamtheih hih, zuak leh kipetuah tuakkha khosung mi kuapeuh in kintak a Vengsungmite & makaite thuzak ding in leng theihsakna bawl uh a, huai bang hunte a kuapeuh kidelhkhawm chiat a pangkhawm chiant ding in leng ngetna bawl uhi.

Khamtheih douna ichih mimal leh mi bang zah-hiam kia hihzoh ding ahihlouh ziakin HQ Veng sungmite kuapeuh kithuzak leh pangkhawm a kalsuan poimoh ding ahihdan leng thusuak in gen a, HYO apan theihsakna a om hunhun a kuapeuh in ngai poimoh ding in leng veng sung mipite’ kiang ah ngetna bawl uhi.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Maktaduai

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply