You are currently viewing HUN KEPBITDAN LEH HUN MAT DIK THIAM TE HIN CHUNGNUN NA ACHANG DEU TANGPI UI
Get In Lamka

HUN KEPBITDAN LEH HUN MAT DIK THIAM TE HIN CHUNGNUN NA ACHANG DEU TANGPI UI

0
(0)

HUN KEPBITDAN LEH HUN MAT DIK THIAM TE HIN CHUNGNUN NA ACHANG DEU TANGPI UI

Khawvel ah thil hing, atawi thei phawt te a ding in hunbi a nei chiat ui. Vachate te’n tui thak hun a nei gual in gancha te le suan leh pak nei hun anei chiat un, ahun leh phat a mat dik uh chun suan leh pak ahung nei ui. Zia bep chu hilo in, ahun tiam dungzui ah a hin teu seilet theina ding ah nek le chak, sep leh bawl hun a nei chiat ui. Zia pianken ah dan zui dik te chu a lawting sek un siamtu lemguat le a subukim a khawvel le a zemhawi ma ma ma hi.

Mihiam te hin le zia hunbi te pian hun, vanglai hun leh thi hun I nei chiat ui. Zia gual bawk achun zil hun, chawldam hun, sep hun leh nek hun I nei chiat ui. Zia hunbi khat a dik thei tawp a I mat thei lo chun munkhat bek in I mawpuakna I lawsam thei hi. Zia ziak achun hun mat dik hi a hun leh a mun chet ah mang thei te hi a lawting tangpi sek ui. Zia gual achun, ki thununna leh dan um sa dik tak zui te hin malzawn na a dawng tangpi sek ui. Ahi thei ham ahi chun dan leh hunbi hi zui chiat leu hin malsawmna ei vaidawn ngei di ahi.

Bang cheng gen leu hin le dan kithungsa zui dik leh ahun ah thil bawl hi lawtinna nak ahi. Sa leh gal hi hen la thil bangkim ahin a hunbi tak ah thil bawl chu a lawsam mudi a vang ma ma sek hi. Ahun tak ah thil bawl te lawtinna tamtak muthei in a um a, zilna, sepna leh thil tam tak in gualchung chuang te ahi deu hi.

Zia gual ma chu kochuam dan, kivaihawna chuam chuam te dan I zui promotion leh grade/ ranks sang tak I tung bep hilo in lawm man dawi um tam tak te le I chang thei sek hi. Zia gual bawk a chun, thagau lam ah thagau lam mit vak na leh Pathian thil hithei na dawi um tam tak te le I chang thei hi.

Thil bangkim I sepna leh I mawpuakna zosia ahi gual tak ah ahun leh phat hunbi tak ah I bawl chun midang te sang in chankanna dawi um I chan bep lo in midang te sang in chawihawi leh etla kham leh chawihawi tak gual chung chuang ahung hi sek ui. Zia chu siamtu dawi dan leh guanggal dan leh kipakna tak ahung hisek hi. Abang chu hita leh dan zui bukim leh a hunbi kem hawi te chu mi zosia sang ah gual chungchuang nuam in mihiam leh Pathian kipakna tak ahiban in chawihawina a chang sek ui.

Hun hi sum leh pai sang ah pawimaw zaw ahiziak in kuale hun mat dan thiam hitiu. Hun mat thiam lo ziak in I gual leh pai te le I subuai thei hi. Chuti bawk chun, ei ma mimal ngei a ding ale I hun manpha hi mang thiam leu hin khantona chi chuam chuam um thei ahidan hezing kawm ah hinkhua mat thei hi pilna chikhat leh khantona puitu ahi.

By- Awnsiakdal

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.