“INDEF Mid Term Council Meeting” MANIPUR’A ELEVATED HIGHWAYS LEH RING ROAD ADING DANGKA CR. 1000 PROPOSAL PEHLUT AHI TAI: CM By. Goulian Khaute Nitin Thusoh Imphal Correspondent

0
(0)

NT||Local News
Monday, 08 July 2019

“INDEF Mid Term Council Meeting”
MANIPUR’A ELEVATED HIGHWAYS LEH RING ROAD ADING DANGKA CR. 1000
PROPOSAL PEHLUT AHI TAI: CM

By. Goulian Khaute
Nitin Thusoh Imphal Correspondent

State a road connectivity dinmun semhoi cheh a mun jouseh kitoh matna ding tohguon a state a elevated highways leh ring roads bolna dingin state goverment in dangka Crore 1000 union goverment a proposal akipie lut tai tin CM N Biren Singh in jannia Imphal Hotel Classic mun’a Indian Engineers’ Federation (INDEF)-NorthEast Region Mid Term Council Meeting a ana phondoh ahi.

Gamsung khantou malchalna infastrutural development ahin Engineer ho mohpohna alen in, kipiedoh a thudih a Engineer hon natoh aneina jeh uva tunia gamsunga project chom chom hohi lolhing leh machal ahin, chuleh Engineer hon Politicians, Bureaucrats leh adang dang thupeh leh deidan a natoh anei lou diu, amaho chihna, themna leh thudih a natoh anei diuving jong kinguon a jao CM chun ana phongdoh in ahi.

Chuleh Engineer hohin all-round development a mohpohna lentah anei bana uva goverment flagship programme Sabka Saath, Sabka Vikas, Sabka Vishwas lolhinna dinga Engineer ho mohpoh ahi tia CM in aphondoh bana a Manipur a Engineer Community hon kitup tah natoh anei theina diuvin Engineer Department a Transfer leh Posting Policy semding leh Secretary (Technical) re-creation bolna dinga goverment in seikhomna jong kinei ding ahi ati.

Jannia Engineering Association of Manipur tohguon na noiya INDEF Mid Term Council meeting achun Forest and Environment Minister Th. Shyamkumar, Executive Council Members of Indian Engineers’ Federation (North East Region), Retired Chief Engineers leh Engineering Departments chom chom a official ho ana jao uvin ahi.

©Nitin Thusoh (Daily News)

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply