INNKUAN BAWL DING IN NA KIMANTA HIAM…..! ✍️ Mawi Tombing
Mawi Tombing

INNKUAN BAWL DING IN NA KIMANTA HIAM…..! ✍️ Mawi Tombing

3
(2)

INNKUAN BAWL DING IN NA KIMANTA HIAM…..!
✍️ Mawi Tombing

Inn i lam dek chiang in avan poimawh ding kaihkhawm theih liai teng i kaikhom masa a, apoimawh ding teng i kaihkhawm khit chiang in nasep, innlam i pan hi. Avan ding asum ding neihsa omlou in tuh i kisa ngam kei hi. Huchibang mah in, innsung siam a zileta vak leh kem ding tuh kisakkholhna ana poimawh hi. Innsung mohpuakna bangkim ei a hong kinga ding ahih ziakin, zi neihma apan a poimawh bangkim maituah thei dia kisakkholh ana ngai hi.

Salam ah zilehta nei thei a, innsuang thei ding chiang tuh piching hita, mahni kitoudelh thei ding chihna ahi. Kisakholhna neilou a zilehta nei ek mawk, maban ding ngaituah masakna bangmah omloupi a chih om theih hi. Numei hileh pasal hileh kisakkholhna omloupi a kineih phut in, uingol gamphut a maban phuttouh ek a haksatna bang I tuah chiang lungkham mangbang kisakna hong ompah hi. Zi leh pasal a kinei ding tuh maban ding ah kisakkholna poimawh lua ahi.

Khalam ah Pathian deihna bang in innsung bang ka chi etkol dia, ka pasal ka ta Pathian deihna bang in bangchi’n ka enkol thei dia; pasal in le’ ka zi ka ta ka innsung Pathian deihna bang a enkawl di’n bangchi’n kisakhol in pan ka la dia chih ngaihtuah ngailua hi. Innlam di i kisakkhol bang in zi leh tanei di, innsung kem di, inntum loutum suang di, tunung a papen nupen hiding in tuh nakpi tak a salam leh khalam a i kisakkholh luat ding uh ahi.

Maban saupi enlou a, kisakkholna omlou a zi leh pasal a kinei mawk i tamluat ziakin haksa sak ziaka nupa kikhen tampi kiom hi. Tuate ziakin i gam ah naupang hehpih huai pumdimta hi. Nu leh pa kisakkholhlouh ziak, ginatlouh ziak in naupang neute nasan in thuak kha in poimah mahmah a; tate tagah kemtu di neilou i gam ah pumdimta hi. Nu leh pa mok tatna gah maban en a kisakkholna omlouh ziak in poilua hi.

Zi leh pasal a kineih di kisakkholhna omlou pi a i kimok neih ziak in, I insung ah siatna thupitak tungta hi. Gingtu hinkhuate mangthang in siatnate in daibang hon nawkta hi. Nu leh pa tampite mangthang in innsung siatna lungkhamna nasak tak in hon tuam zouta hi. Nu leh pa khelhna gah tatsiatnate ziak in naupangte nasan in thuak ek theimok hi. Lungmuang in i tulai dia hia nu leh pate, itate donlouh keplouh a omte pikhe di kuate ihi a. Itna khitui toh tate a dia thungen ding in nu leh pate thoukhia in Pathian sam ni. I innsung mangthang ding hita i khelhnate Toupa mai ah thupha toi le’ng Amah hon ngaidam dia mansa ahi.

Nu leh pa pil in tate maban khosakna ding, innsung a kepna di, innsung paididan hoihtak in gelfel in siam theih hi. Tunung a omnonlouh nung ding tan hisap a gelfel in, atate atute tan a di hinkhua gelsak theih hi. Huchibang a nu leh pa hoih leh pilten innsung kichup tak a pozou in khaikom zou uhi. Nu leh pa hai neiten lah insung vai sailou a kholai khong a panglen ju leh sa kham a hinkhua zang insung gel khalou pa tampi ki om hi . I gam in nu leh pa hoih poimoh lua hi. Innsung siam hoihlouh jiak in tate hinkhua nakpi taka sukha in haksatna tampi kiguan a poilua hi.

Taten a lawmte eng in kingaihsiatna bang nei thei uh hi. Mi nu leh pate’n a insung uh bolhoih ua, kei nu kei pa in insung dawnlou a vakthap chi a nasatak a kingaih siatna tuntu ihi. Innsung ah pate nute kipan thak ni. Innsung siamthak a bawl hoih ding in Toupan hon seh te ihi. I mohpuakna i zoh kei leh i sisan moh phuba hong kila ding hi. Pathian apat mohpuakna piak a omte ihi …. semsuah ding in kipan thakni nu leh pate.

I tate adia salam leh khalam ah gou i kholsak a chihoih chimanpha i tuh angai a, innsung i siam hoihlouh jiak in i tuh gah itate mah in hon loutou ding uhi. Khalam a chi i tuh kei leh zaw innsung mangthang mai ding hi. Innsung lungkhamna leh lunggimna hong suak mai ding hi. Khalam ah chi hoih tuh poimoh a, ei hatna in zaw i zoukei ding himahleh Pathian thilhih theihna suang i…

How useful was this post?

Click on a star to rate it!

Average rating 3 / 5. Vote count: 2

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply