Jammu & Kashmir ah Article 370 lakdaw ahiziak in Pulwama attack gual umthei ahi : Imran Khan

Jammu & Kashmir ah Article 370 lakdaw ahiziak in Pulwama attack gual umthei ahi : Imran Khan

0
(0)

Islamabad | 07 Aug. 2019 | lrb.munda | Get In Lamka

Pakistan Prime Minster Imran Khan chun zani khan agendan in J&K apat Article 370 lak ahidaw nung ahin Pulwama attack gual umthei ding in agen ah, Chun, zia article lakdaw ahi ziak in India le Pakistan kimaitua thei dinmun aum ahidan le agen hi.

Zani’n Kashmir thubuai ziak in India le Pakistan Inpi (Parliament) ah buai nasa mama ah, zia tilou chun British Inpi nasan le abuai hial hi.

Pakistan Prime Minister Imran Khan Joint session hun ah atun lou ziak in, Inpi achun doudal na (opposed) nasatak le kiphinna aum ziak in first session chu chairman in ala adjourned in, ama ahun tun tak in chutkhawmna (join meeting) nei ahikit hi.

Pakistan in zani’n joint Parliament chutkhawm anei nau ua chun Kashmir issue genkhawmna anei uh ahi. Imran khan rulling government minister khat Ch. Fawad Hussain in agendan in Modi govt. in Kashmir hi Palestine asuak sak guat ahia, gal puan ahichun Pakistan inle dawnbut hihen ti’n agen hi. Kashmir mipi haw kiza thuap zing ahia, panpi thei na zosia kithuapi ding ahidan le joint parliamentary session achun agen ui.

Gal um tak le kuama ahat chuam aki um pua, alang le lang in mang na nasatak in akinei sek in, khovel pumpi’n adin buaina asuak thei in, ahat chuam le  ki um lou ahi ti’n Imran Khan chun agen hi.

Aban ah agenbe na achun India hin Jammu & Kashmir chu amau gam ahidan agen ua, chun zalen Kashmir (POK) hi le amau gam dan in agen ui.

Prime Minister Khan chun agenbe na chun tigual kawmkal ahin gal hung piang thei ahidan agen ah, Kashmiris hawn hun protest ding ahiu ua, zia chu India doudal kit ding ahidan agen hi.

Khan chun agenzel na achun “Pulwama tigual attacks na umthei ding ahi” atia, tigual hi umthei in ah ti predict ka bawl thei ahi tin agen hi. Tigual attack ahung umkit ahi chun ei uih (Pakistan) hung ngaw (blame) intin uh, dawnbutnan gal hung bawl khum intin uh, en le kile thut ding ahi din agen hi.

“Tigual dinmun hitale bang ahung suak tadiam,….? kuan ahat chuam diam?
Kuama ahat chuam ki um puantin, a effect chu khovel pumpin hithei ahia, zia hi nuclear blackmail, ahipuai tin” Khan chun joint session achun agen hi.

Aman agenbe na achun international community in Kashmir buaina hi notice in lau hen tin le agen hi.

Kashmir ah abawl uh hi amau ideology dan in agen ah, racist (khenchuam) ideology anei ahidan le ngawna anei hi. Zia ideology ziak ahin Mahatma Gandhi le ala that uh ahi. Zia ideology hi world community in abuaipi lou ua ahichun Pakistan hi maw kipualou din ahidan agen hi.

Khan chun agenzel na achun government in Kashmir issue ziak in Khovel (world) leaders kimupi thei chan kimupi ding ahidan agen hi.
“Zia Kashmir chung chang ahin UN Security Council ah kimaitua ding ahidan agen ah, Pakistian in International Court of Justice ah le athu hi puaklut hiding ahidan le agen hi.

Khan in agenbe na chun buaina tampi kinei hi sukven thei chan ah pan kilak ala kiguan maleh New Delhi in ei pawmpiaklou ahidan le agen hi.

Government nasep kapat masat pen achun India government kala kihoupi in, maleh amau in Pakistan hin galguk bawl haw (militants outfits) hi lataw sawt ua, chun la gam uh leichung lamat sak ui atia, kenle ka dawnbutna achun tigual nasep hi ala umta maleh tu maban ahin kei le ka party hawn zia nasep hi umtalou ding le phal hitalou in bawl le kibawl sak talou ding ahidan kala gen hi tin dan siamtu inpi achun agen hi.

“Ahinlah India govt hin kihou lem ding a lunglut lou ahidan kamun ahi. Bishkek ah summit (for the Shanghai Cooperation Organisation summit) ka chia ua hung ua India govt in kihoulim ding alung lut loudan kahe chian ui tin,” Khan chun agen hi.
Agen zawm zel na achun India hin kilemna (peace) hi chouna (weakness) khat in agel ua,  ahin kihoupi ding in govt in kalbi kila zing ahidan le agen hi.

Opposition leader Shehbaz Sharif chun govt in India hi donbutna (tough resonse) hihen tin agen ah, Khan in adonbutna achun, Opposition in bang ahem adawi? India hi attack in le la dawi ahem tin le adonbut hi.

Shehbaz chun Khan makai na govt in Kashmir thu ahin kalbi hawitak la hen tin ala gen hi.

Govt. in options ni (2) akinei ah, 1. ngaisaklou in kimu saklo ding. 2. Akin tak ah ngaitua ding. Ngaisaklou chu option ahi pua, akintak ah action lak hi ding ahi dan le agen hi.

Bilawal Bhutto Zardari of Pakistan Peoples Party inle India kalsuan hi khautak action lak hihen tin le agen hi.

Zia kawmkal achun joint sitting nei ala hia, India thupukna ziak ah kinial bouna tamtak la um hi.

Meeting kipat hun ah Minister for Parliamentary Affairs Azam Khan Swati in India in LOC hiamkham (ceasefire) apal kek hi ti puandawna anei ah, maleh article 370 chung chang bang ma puana ala nei puai.

Opposition hawn nasatak ah demna le husakna anei ua, house chu dak 4 chan adjourned ala ahia, Prime Minister Imran khan in policy statement anei zaw achun house ah kihoulim na pat thei ahidan le thusuak chun agen hi.

Alang khat lam ah British Inpi (Parliament) ah MPs hawn Jammu & Kashmir ah Article 370 lakdaw ahi hi ngaitua na anei ua, chun etzuina nei zing ahidan le agen ui.

US govt. inle gamsung kivai hawmna le thule la hi nasatak ah entha zing ahidan le thusuak aum hi.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Leave a Reply