You are currently viewing KA CHENUI PUITU HINKHUA MAT DAN

KA CHENUI PUITU HINKHUA MAT DAN

0
(0)

KA CHENUI PUITU HINKHUA MAT DAN

Mipi vantang mu leh hiat dan achun lawi upa te himhim hi sum leh pai insung khawsakna nuam leh negu dinga lungthim ginmawna ala um sek hi. Zia ngaidan chu hesa ihi ziak un lunglel leh pilvang taka muchianna chiimtak tawh kalsuan ding in thutak tawh kalsuan leu hin ngaidan lui te kha chindan thak in kalsuanpi leu hin I gam leh nam adi’n masawnna hung hingei ding ahi.

Mihiam te hinkhua matdan leh chiadan tampi a um ah, ziate lak achun, mihausa lawi upa leh mi genthei lawi upa chanchin leh dinmun a um gelgel hi. Mi khenkhat te chu lawi upa ahi phawt uh leh sum leh pai a kiningting dinga kawina khat a um hi. Amau chun insung, khawtang leh pawlpi a ding ah napha asep nawp phawt uh leh phatchuam na ding hun tiang a sem thei ui ti hih ahi. Zia chun masawnna a um thei hi.

Zia bep chu hilo, mipi lam te’n le lawi upate ginmawna adiak ah sum leh pai hau dinga ginchakna liantak ah kawisang achun kitawsawt leh lamdik kihilna kimang zaw sek henla, kimuanmawna umlo deu in nam na sem leu hin thanawpna leh lawtinna phazaw diak um ding ginchatna ka nei lian zawi. Sawm giak khawm, khat in zun ache leh a leng ua zun che dan ah a kingaina pen hi I mawlna’u leh khanto theilona’u bupi hi’n ka ngaitua hi. Khawvel ahin a pha tawh a phalo tawh khawsa khawm ihi ziak un khendan thiam leu hin semtu te di’n le thathaw a um deu diam ka ti nuam hi.

Ahinla, lawi upa khenkhat kiphal leh ki pezo mama leh tawmngai leh fel a um thei sek tho ui. Alawi te gual un, neilo sasa’n khawtang machalna ding in bat leh tham pum in nampi khantona ding theitawp sua in a sem hamham ui. A sepna loma chu a lawting mama, ga tamtak le a luak sek ui. Amabo, a insung ah neisun seng ah nampi na a sep lai un, insung lam taklana leh taksapna a hung tam phat leh zi mitluan leh upa mitluan chu tuak in kuama hiatphak lo haksatna a tunsak sek hi. Zia bep chu hilo in nampi nasepna ding ah mi sum leh pai ithung lak, ahun tak ah idit theilo phat leh ahun sik phat uh leh insung mi leh eima ngei a di’n zachakna’n aki dim sek hi. Zia hun phat chuleh khenkhat in mudan leh kawidan khat ah launa tawh muden in lawi upate nalawpek pen le hiding ahi. Zia chu ahi nampi nasepna ah Cross put gual ah a thawk zing uh chu ahi.

A bangchu hitaleh khawvel ah khawsa leh khualzin gual mai ihiu ah, thilpha hinuam ah lawtin I nawp taktak chun ngawngkawl bat khawmlo theilo ihi ziak un, thilthiang leh gapha sualo di taphawt pumpel in Pathian pilna tawh mipi Lawng hi ginum leh kukal tak in tawl leu hin, buaina luigal chu hiatlo kal in kaisan ding ihiu. Zia chu ka chenui hinkhua pellam ah hinkhua mang ding I hidan uh aki chian mama hi.

 

@KL MUANA VAIPHEI

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply