KA KHUALZINNA By:Biak S Tawmbing
Get In Lamka

KA KHUALZINNA By:Biak S Tawmbing

3.5
(2)

KA KHUALZINNA

Biak S. Tawmbing

Hichi bang a hinkhua ana zang om ahi chih phawk kawm in hiai thu ana sim in.

Ka khualzinna thawmhau huai lakah lungngaih leh natnate mangbatna te ahongtung zel, ka taisia a ka buaizel ka mittui te a hong luang sek, I tunna mun ding vangam ka ngai thei mahmah hi. Ka neulai in naupang deihthoh huaitak leh ithuai tak ka hi a, Unau pasal nih ka hi ua, ka neulai kho thei panpan ka hih un ka pan honna beisan hi.
Ka nun hon paisan hetlou in ka unau un, haksa bangteng thuak kawm in honna kemtou hi, school hongkai sak a, ka pa om nawnlou ahihman in in louna leh innsung a poimawh ding thiltuamte leh ka fee uh kha teng a piak ngai ahihmanin a khenchiangin a kilawh zel, lou a mehte zuakin a sun neih sunsun in anntang leh apoimoh tuamtuamte hon lei in, mite banga mehlim taktak te kimeh zoulou ahih manin ka nu annek chiangin kipaktak leh lungkimtak a ann na nek ding uh, hon chi zel hi. Ka nun atate miphak louh ding lau in na gimtak leh tawltak a sem ka unau ua, ka muh chiangun ka hehpih thei mahmah uhi. Khateng a khamding anntang kilei zoulou muh tawm nektawm himai huchibang bang in kong khosa tou uhi. A taktak dinmun ading loute ading in zaw theisiam vual ahi kei, Ka upa toh school kong kaitou zel uhi.
Zankhat ka u in ka nu kiangah “ Nu inkuan a haksat toh tanau laina te le ei bangbang a haksa chiat uh ahia sum leh pai neih leh lam ah I haksat chiangua kipanpih zou tuan sam omlou I hihna uah kei naupang chik ka hilai na a, school ka kai nawn kei dia nang ka hih theih bangbang in kon panpih di ka nau kia school I kai sak zaw ding aw” a hon chi hi. Ka nu en ka unau un dai sipsip in ka tu uhi.
Ka nu’n bang mah gen ding athei kei a, ahong dai sipsip hi. Ka nu’n hon naih a, ka nih un hon kawi a, abianguah mittui luang kawmin, ka tate aw ka gen khiak ngeilou ka gen khiak ut louh nou hon theih pih uh maw bawite. Na nu uh gimtheilua hon sa uh maw…non hehpih ua ka kipaklua….amittui chu a kham zou nawnkei hon kawi kawm in hong kap khe zawihzawih tamai hi…
Ka nun aban gen sawm mah leh a gen theikei bawite hon chi zel a…aban zom theilou in a om zel kouleng bangmah gen theilou in ka nu mittui leh ka mittui uh nul in hun ka zang uhi..

Sutzop ding….

How useful was this post?

Click on a star to rate it!

Average rating 3.5 / 5. Vote count: 2

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply

×
×

Basket