KHANGLUI TE HIKHIAL KHENKHAT APAT KHANGTHAK TE ZILSAK NA DI

KHANGLUI TE HIKHIAL KHENKHAT APAT KHANGTHAK TE ZILSAK NA DI

3
(1)

KHANGLUI TE HIKHIAL KHENKHAT APAT KHANGTHAK TE ZILSAK NA DI.

8th Jan 2021
Malai achun mi gensiat, muda, kithangsiat, ki-ipla, kihek, kitha- kimat I chin ziak un buai na chi tam tak ga chu kituaklo na leh kimuantua lo na a piang in, kitualthana tiang a tunsak sek ahi. A hatzo leh pauzo te’n a zawthei ding uh nei leh lam lakpiak thei ding te insung vai leh government court tiang in ala heksek uh ahi. Diklo tak ah gam kilakpiakna ala tam mama hi. Zia gual lungthim neu tak leh dan lo gual ah hatlo zawte chung ah hiamtatna ala tam mama hi. Zia gual hiamtatna khenkhatte vak suklat thei chu salam satsak, government jail ah kikawi, chanvo ding te thagum ah kilakpiakna leh a dangdang tampi gensen lo a um hi. A khang a khang in a thu chia in, khangsawn te kihilna ala gensek uh ahi. Zia bep chule hilo in, kitualthana tiang dinmun ala tungsek te ziak in insung leh khawtang damna a susia ahi. Ziakachun, insung leh khawtang damlo kawmkawm ah lungthim neucha put kawm ah kalsuanna te bangtik leh I gamsung in paithak in a um thei diam ti hih a ngakla um pen te lak ah pakhat in ka ngaitua hi.

HEALTH CHECKUP PLAN 2021

Zia gual ah malai lungthim mawl tak leh pilna taksap te apat zil daw thei ding ah hawi kasak te ahileh pilna, zangaina, hepina, kituakna, gamsung damna, pathian lunglam hawlna lungthim nei ding ahi. Zia I taksap thilte muthei na di’n thunuaigawlna in zawna neithei chiat leu hin damsung hinkhua sumuang intin zallenna le mitin in kinei ding ahi. Ziakachun, I hatna lam chauh suang lo in, kithununna lampi ah nasatak in pan lathak chiat di’n iki dawisak mama hi.

Zia kithununna piting tak lampi um theina ding in, I cha I nau te thuphalo leh a dik lo himhim hilsawn lo chuh nu leh pa te mawpuakna lianpen ahi. Pathian thu tawh kituak ah kiziltil in, Ama guat dan din chiat in zui leu hin, leikanan mitin aki ngailo kuama um lo ding ahi. Ziaphat chuleh, mihiam te ki- etkawlna insung leh khawtang ah kituakna leh khantona pha um ngei ding ahi. Zia gual chuh ahi I gamsung in a mamaw leh taksap mama. Ziakachun, puitu hina chang zosia’n thudik leh thiangtho tak ah vaihawmna pawimaw mama ahi.

Zia a chung ah kigen gual in khangthak te hi a lampi ding uh kawkmu a pawimaw takzet hi. Zia gual lampi pha kikawkmu na in kithununna um ngei ding ahi. Ziakachun, tu khang ah um te’n khangthak te maban ding siam thei I hiu ti hemil puai tiu. Zia gual panlakna piting mi zosia kibang tak leh kicham tak ah umkhawm ding chu mihing te a ding ah I himakmaw himaleh Pathian lemguat chuh hingei ding ahi.

Ziakachun, thinung ah van Kanaan gam ngaina hengal ah, lei damsung ah khawksakna um lo kei ah hinkhua mat mai hi kumtuang meidil tuk ahi. Ziakachun, gitlo na leh thil phalo him him bawl ta lo in, chunglam Jerusalem chabi muthei chiat ding in kalbi khuat in pan lathak chiat leu hin ut um kasa mama ahi. Zia chu Lalpa kumtuang lemguat chuh hingei ding ahi. Ei unle I chanthei na ding un lei kithunundan leh ki- etkai dan hi mani insung chiat ah mawpuakna thupi pen ah kawi ding ahi. Ziabanachun, khawtang leh gamsung vaihawm puitu te’n le zia lemguatna lampi chuh zui ah, ginumna ah gam leh nam lungsiat in, pang chiat ding in kumbul 2021 apat in kalsuan chiat ding in iki dawisak chiat hi.

@KL MUANA KHAUTE

How useful was this post?

Click on a star to rate it!

Average rating 3 / 5. Vote count: 1

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply