Khentuam Neilou Uh – chichih pauchih te’n ~Mawi Tawmbing

Khentuam Neilou Uh – chichih pauchih te’n ~Mawi Tawmbing

0
(0)

Khentuam Neilou Uh – chichih pauchih te’n
~Mawi Tawmbing

Bang ziaka ei kikhentuam a kikhenna thu kia gen i hia? Vanmang naubanga kahna Kalvary ah, khentuam omlou hi. Chichih pauchih te’n I Toupa Jesu’n Kros ah thilteng hon zohsak ta, hon gawm khinta, kigawmna simthu hon bawlsak khinta .

Mihing ettheih leh ettheih louh a kikhen di hilou, pau zou leh pau zoulou thu a kikhen di hilou, neihzoh leh neih zoulouh thu a ki et di hilou, chettheih leh chet theihlouh thu a kikhenna thugen di hilou hi. Vanmang naubang a kahna Karvary ah khentuam omlou hi. Kros a Jesu’n hon tatna enthak ni. Toupan hon gawmsa’ nang leh ken gibang khense ngam di ihi diam unau, kingaihtuah thakni.

I Toupa Jesu hon tatna ngaineu a, musit a chiamnuih bawla asisan luangte athawn a bangmah lou suak sak tum ihi hiam ? A zawng ahau hon tankhin a, bang ziaka ei kikhentuam lailai di ihia? Gentheihna chiteng thuak a, zum leh zah le khual zoulou a, nang leh kei hon it man a sisan naisan thuak a ahon tat ahi. Jesu sisan luangkhia man tamlua in thupi in manpha hi. A hon tatna bangmah lou suahsak kei ni.

Kikhen thei ihi kei, kisethei ihi kei, tagah meithai daikil kal a mite veh leh panpih ngaite, thomhau leh mangbang a om kingaisete lungmuan a khamuanna thugen di khalam a agammanna ua pat a phonghalh a tosawn dite, Jesu khebul a pilut dite Saptuam makaite hileh khotang a makaite Toupan hiai bang nasem dia mohpuakna honpiak a asisan a hon tatte ihi. Toupa nnasep maban sunzom dia mohpuakna hon piakte ihi, huai dia belampu tthaunilna hon tansakte ihi. Na mohpuakna Toupa hon deihna bangin semkhia in. Toupa Jesu hon tatna sisan athawn in luang mang sak mai kei ni. Toupa belampute tagah meithaite tung a vaidik taka hawmsak dia thaunilhna Toupan hon piak ahi chih mangngilh ken.

Khotang makaiten leng i Toupa sisan hon tatna en kawm a nasem in vaihawm ni. Sisan luang manpha lua hi. Mihing in kien kei ni. Toupa lau kawm in I gamsung, i khotang itna toh nasem in vaihawm ni. Panpih ngaite panpih a diktak a vaihawm a, gam leh nam itna toh i mi i sate it a, khentuam neilou a vaihawm poimawh hi. Tua ding a Jesu’n a sisan a hon tatte i hi. Aw ana i gam simthu, Kros a i Toupa Jesu sisan luangkhia enthak ni… Unaute.

Na pilna na siam ziak a tat nahikei a neih leh lam naneih ziak a tat leng na hikei, na hoihnate ziak na thupinate ziak in vangam na lutthei zenzen kei ding. Jesu sisan a na kisawpsiang kei leh Vangam nalut tuan kei ding hi .

Chichih pauchih te’n vanmang naubang akahna karvary ah khentuam neilou uh. Nam chih pau chihte I Toupa’n hon zohsak vekta, sisan mantamtak a lei, a tatsate ihi uh. Nang leh kei kikhen thei hilou ihi. Toupa’n Kros a hon gawmkhinta ahi chih thei thak ni.

Simtute Toupa’n hon vualzawl chiat hen aw. 🙏🏼🙏🏼

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply