You are currently viewing Khovel dan chi di i diam!
Muanching Emcies

Khovel dan chi di i diam!

0
(0)

Khovel dan chi di i diam!

Na zi in hon khemzou lua kisa a na nu/ pa leh sanggamte hoihlouhna dik leh diklou hon gen kawmkawm in bangmah chihken aw..! Chih toh hon thuah leh zaw na hai lam phokpah le chin!

Zi hoih in na inkuante hon gensiatpih lou in na hehkhak di veng in, inkuante diklouhna bang hon zumzelpih ding hi. Bang hiam a na hehdekna a om zenzen leh le hon mai-et in hon chiamnuih kawm in na hehna pen a topic hon khekpih sawm teitei di hi.

Zi hoihlou in bel na muh leh na theih le hilou, inkuante omdan teng report hon bawl dia, hiai tengkhong kon etkawlpih eivawi ka thuak-hat nonsa hia.. kon it ziak eive chikawm in na hehtuan louh di a hi kei hon ngoh di uh ahi chikawm zawmah di hi.

Zi hoih in bel na inkuante’n bawl gentheihna banghiam ana nei le uh le hon hilh ngamlou in, thuak kinken dia..innveng innsak innkhang te thugen, gen sawn sese lou in na zakkhak di bang lau di hi.

Zi hoihlou in bel a nawlam kia suang dia buaipih dia, a nawlam kia mah dik leh hehpih huai hon sakpih ding hi. Hon thuzoh theihna dia a nawlam te diklouhna teng imm mang dia nang le a hoihmah sa di hi lel na hi.

Inn na tunchiah ki buaisak in amah kia nasem bang a ki bawl in na teng sem in phe salsal di hi. Zi hoih in bel sun in na teng na semkhin dia, na tung hunchiah buailou hial in honna welcome ding hi.

Mahni inkuante zi in na bil a hon gensiat zaza thei pasal na hih leh bel, Bil vuhlouh a bilh a thoulou pasal khat na hi chih ki phok kul mahmah hi. Siamlouh ki tankhum gige sang in bangmah genlouh a thuak mualsuah zel pen inkuan itte leh hon itpih te omdan a hi chih thei in.!

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply