Khristian mi sang in Piangthak mi neih ahoih- By: Evan.Paul Pauzakham

Khristian mi sang in Piangthak mi neih ahoih- By: Evan.Paul Pauzakham

0
(0)

[2 Korinte:6:14]Ginglou mite toh kituakloupi a hakkol pokhawm in om kei un; diktatlouhna leh diktatna in bang ahia kikopna a neih uh? A hihkeileh, mial leh vak in bang ahia kithuahna a neih uh?

Khristian gamsung buai kipatna innsung buai ziak ahi chi’n i ngohsek ua, innsung maitaam doh louhziak bang i chi ua, innsung kikepna hoihlouh ziak bang i chi tangpi uh hi. I innsung chiat in honsel thei hileh a hon sel theihna ding tampi om hi’n ka mu hi. Hetute leh thugen tute bang houh hon kou zialzial kha thei zomah hi. Nou buaina nou lohsapna teng innkuan te non khuksak uh maw. Tuailai naupang lohsam leh lah Innkuan hon mohpawsak. Society hi’n saptuam siatna bang hiam om leh lah Innkuan te hon mohsak jel. Innkuan lam akipan bang leng ngaihkhiak zek kisam kha ding hi.

Hiai buaina te innsung kia hizaw lou in mimal kitenna(marriage) bul akipan tamtak na om hi’n ka koih hi. Khristian lawmhoih sang in Piangthak lawmhoih i kul bang in, khristian pasal or ji mai sang in piangthak ji or pasal na pomoh zaw hi. Pumpi kitenna khat hileh huaisang a thuuk zaw bel khalam kitenna na kul masa hi. Piangthak leh piangthaklou (unbeliever) hong kiten chiang un a buai ding sa ahi uh. Ji or pasal ding hiam i hawi a om leh amasa pen a a pianthakna etkai masak ahoih pen kha ding hi. Huai zoh chiang in life in the church (church ah a hinkhua) bangchi hiam chih in zui thei lai leh hoih mahmah ding hi.

Mi nam leh pau tuamtuam Jesu sisan in a gawm khawm theih leh Nupa ji leh pasal ding bang leng Jesu sisan in hon gawm masa leh kip na mai zen in chia hon chisak hi. Jesu sisan in a hon gawm kip kei leh khovel in hon gawm theimah leh kip lou ding mah ana hi hi. Na ji or pasal ding na chih a pianthakna hoihtak in enchian in la a church hinkhua tawh piangthak lou ahihleh tawpchet in. Mial leh vak in bang a a neihkhawm theih uh. Khuai(bee) leh Thou(flies) in bang a aneih khawm uh. A kithuah ngei uh hia? Bangchi’n hiai te gel a kigawm thei mahmah ding ua? Huai bang geih i hi uh.

Toupa’n hon vualzawl hen.
Evan. Paul Pauzakham

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply