KHUGA DAM CONTRACTOR ASSN. IN ₹15 CRORE PENDING BILL SUFEL DING IN CHIAL

KHUGA DAM CONTRACTOR ASSN. IN ₹15 CRORE PENDING BILL SUFEL DING IN CHIAL

0
(0)

9th Aug 2019 | Get In Lamka

KHUGA DAM CONTRACTOR ASSN. IN ₹15 CRORE PENDING BILL SUFEL DING IN CHIAL

M. Dama, Special Contractor & Chairman, Khuga Dam Contractor Association in zani zingkallam dak 9:30 in a chenna inn ah media te kimupi in, Irrigation and Flood Control Department, Govt. of Manipur (IFCD) in Khuga Dam bawlna sum kipelo (pending bill) umte taklatna a nei hi. Aman a genna ah, IFCD in in hun sawttak Khuga Dam enkawl lo in a kawi a, IFCD Minister Letpao Haokip mapuina in etthak a umna chung a kipak um a sakthu a gen hi.



Khuga Dam ahileh hawndaw ahi nung kum 10 lam phial chiata maleh tuni tiang in mipi a ding a phatchuamna sang in buaina a tut lam kihe tamzaw ti’n a gen a, tuni tiang in a kibawlna ziakte khat le piakdaw neilo ti thei phial in um hi’n a gen hi. Khuga Dam ziak a kum cheng in mi 4/5 in thinna a la tuak ban ua gam acre tamtak a siatlaw a, canal chim ziak in tuilo tamtak in siatlaw hi’n a gen hi. Contractor tamtak in innsung ah phachuam ding ahikhakle ti’n na ala sem ua, inn-le-lo nei sunsun tiang banda in na a la sem male’u department apat pending bill Rs. 15 Crore a um ziak in Contractor tamtak in gentheipi uh hi’n a gen hi.

Khuga Dam left and right canal ah tuchan a kilometer khat cho le tui dawi gual in luang zolo in, lobawl mite’n tui a poimaw cheng un mani sum, tha le-zung kisen in mi phachuamngai leh kiphal hawl in lobawl theina ding hamham in siampha zel uh hi’n a gen hi. Power piakdaw bangma umlo lai in Electric department ah Rs. 50 lakh bat anei ziak un power supply le disconnect bawl a um hi’n a gen a, Left and Right Canal gate dunga tui khakna ding in sum Rs. 2000/3000 seng in mimal generator khel in kitodel ham ham uh hi’n a gen hi.




Zia gual a dinmun ahilai in IFCD in ngaikhawk a pan alakthak ah Contractor te’n le kinepna liantak nei in pending bill Rs. 15 Crore um nalaite a kinthei pen a pedawk ding in a chial ua, pending bill umte tuni apat tha khat sunga department te’n a sukfel lo ua leh Khuga Dam, Left and Right Canal, Head Works Spill Way ah Contractor te’n a nasepna-sa uh chung ah nasep-thilbawl anei khak ua leh kuama’n bangma gentheilo ding ahiu a, department in mawh kipuak ding ti’n gen in, kua’n le hiatpi ding in le a chial hi.

 

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply