You are currently viewing KIPAK THEI ZING HINKHUA By: K. L. Muana Khaute

KIPAK THEI ZING HINKHUA By: K. L. Muana Khaute

5
(1)

KIPAK THEI ZING HINKHUA

By: K. L. Muana Khaute

Mihiam te hi, hing zing ah siam leh guat chu i hiu a, Amabo, eima dawi telna ziak in Diabol thep zaw in I um kha tau a, a siampa hepina tawp thei lo chun kalvari khross ah a chapa neisun thisan in thi tasa chu mihing thak, ama golua thei ding in ei siam kit ta ahi. Tichun, hing zing ding leh kipak zing thei dingah ngai leh kawi chu i hitau.

Thilsiam te lak ah Ama hinna Hu thakhum ah hing leh khawsa’h, a lopina khawvel ah sulangtu ding ah siam i hi na’u Leisiat ah siam i leitak sa un ei thunun phet tak leh, mihing chu ngaituana leh thilbawl in I buai châng aum sek hi; himaleh, Lei taksa ah tuam thagau (i hinna) hin a siamtu chu a hemil thei diak puai.

Ziaziak tak hi ahi; “Thillui chu a bei ta’n, a thak kit zo tai” i ti sek gual un, I khawvel hinkhua’u ahin ei chingtu ding in Thagau thiangtho chun ei umpi zing ah, “kipak un; tikit ngen ingka kipak un” ei ti ahi.

Kuale ama hi-na ki hechian lo chun Who am I (kei kua ka hem) ti i kihiat lo ziak uh hi thei ahi.

Damsung hun chawmcha I nei sung ua hin, ei mimal phat chuamna ding bep ngaitua lo ah midang te vangphatna ding i bawl chun, a pet pet in kipak ziang lo leu hing le a vainung in i kipak sek hi na lo ahem ka ti ahi. Amabo, mi siatna ding I bawl ahi chun i kipak sek ah, ahi’n, khawnung in i bawl khial ziak in i kisik ngawi ngawi sek ua, chuleh, I sia leh pha hiat dik a sak lo ziak in i hiselna ding leh i ngaituana a hung buai sek ahi.

Lim leh kipak thei i nawp ahi chun, midang â ding ah thilpha i thei kham kham ah bawl a phai. Ahi’nla, eima mimal hinkhua susethei hial khawp ah thilpha bawl chule thilpha ahi diak puai.

Mihiamte hi masang lai siamtîl gual hi ta lo in, Eden huan ah sia leh pha hiatna thingga a nek nung khawvel pani kikal ah khawsa i hi tak ziak un, buai lo thei lo chu ihiu.

Damlai khualzin lampi ahin i taksa leh thagau hinkhua suse thei zosia apat i kiveng bit theina ding un, chunglam pilna leh mimal kithununna hi thil pawimaw tak ahi ziak in, bangkim siamtu leh lemguattu tawh khaubang ki tutua in hinkhua lim leh kipak tak in mang hitiu.

How useful was this post?

Click on a star to rate it!

Average rating 5 / 5. Vote count: 1

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply