You are currently viewing KISIK HUN HET HI KUMTUANG PAK GUAL AHI
Get In Lamka Digital Marketing & Information Services, North East News

KISIK HUN HET HI KUMTUANG PAK GUAL AHI

0
(0)

*KISIK HUN HET HI KUMTUANG PAK GUAL AHI*

KL.Muana Social Worker
KL.Muana Social Worker

Khawvel ahin mimal hinkhua matdan gending hitaleu hin sutding tampi chunkhawm thei ina. Hinkhua ah pawimaw bawl ding tampi um maleh, mimal hinkhua in thil zosia bawlzaw haksa mama hi. Ziakachun, hinkhua ahin bukimna him a um puai. Ahinla, I gennawp penchu ahileh mimal bukimna umlo hin kihiatthiam na ding tampi akawkmu ah, kidailo ziaka sep manlo leh bawl manlo te chu kawidan khata hiatthiamsa in mihiam te’n ikawisek uh ahi. Ahinla, mimal hinkhua ah a sep leh bawl dinga kilawm, guat ah um na chunga sem piting lo leh lamdik ah chialo mi chu lei ah mihiam te bep lo, chung ah Siamtu ngei inle thiamchan thei ding in kawina nei haksa mama in ngaituana a um hi.

Sakhua chuam leh pathian neilo mimal, nam leh gamte a ding in chuh, mani dawidan leh mimal ut thu ah nasep ati gual tak un septhei nakhat nei ding un ginchak a um hi. Zia gual ngaidan kinei maleh, I chennna khawvel dan leh thupiak zui ah khawsa mihiam te ihi ziak un, kuama hih dan leh thupiak zuilo ah khawsa thei umlo ahi. Ginglo tute nangawn in dan leh thupiak azui thei ua, guat ah a um dungzui ua dinmun kituptak ah dettak ah hinkhua a mat ziak un, a khawvel gam uh a bit ahi. Dan leh thupiak zuilo te leh sukkhial nei ah dan nuai ah kipialut lo te chun thiamlo chansak ding ah maituana ut umlo taktak a tuak ding uh hiatsa ahi. Ziakachun, khawitak mun ah banggual gam dinmun ala hiziang lehle guat ah um dungzui ah dan leh thupiak hawkha ah nasem te chun maban kalsuanna a lamzang in lawtinna le um theizing hi. Ahinla, zia gual hina neilo ah dan leh thupiak te limsak lo ah mimal lawkna hawl ah a felna gam taisan ah nasem te a chiazawm sawt theilo ziak uh a um ah, dan zawmtu chun zia gual mite chu a dodal sek ui. Ziachu, tunitiang ah khawvel damna leh khantona pha um theina ziak le ahi.

Mimal nasep leh politics ah *”Thil kabawl khial puai”* ti ah thil bawl zosia imguk sang in maban vang ettheina, lawtinna ding in hikhialna kipuang ah haisan thei chu za ngaina um ahi. Mimal hinkhua tawmtak sepkhial bawlkhial zosia nisin pauchapna thupha chawina ziak in banggual dinmun palthenna um maleh lungthim a nawp gual in, lungthim sang danglam thei leh kihei theina chuh pawimaw kasa mama ahi. Tupna sangtak tak um maleh, mimal hinkhua ah panlak thakna umlo, kisiamthakna umlo, chawndan ngei ah chawnte a ding in lawtinna um thei him lo ahi. Ziaban achun, muizang tak ah bawl khial neilo ah ala kalsuan te chu lawtinna umsa ahi. Ahinla, piak leh guat ah um maleh a sep ding tak a mawpuakna a taisan chun vaihawmna dik hiatthiamna nei chu pawimaw mama in ka ngaitua hi. Ziakachun, lemhiatna neizing kawm ah kisik hun neithei mi chu kumtuang pak gual in lawtinna um zing ding ahi.

 

*@ KL Muan*

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply