KUA KOCHUAM  By : GL Muana Neitham

KUA KOCHUAM By : GL Muana Neitham

0
(0)

8th Aug,2019 | Get In Lamka

 

KUA KOCHUAM

Unau, Jesu kiti hi bangti gual in la ngaitua khasek em? Mi atam zawh leh mivang tang in Lalpa Jesu Krista tidan a ah ko sek man ua nang le la ko…Lalpa hi ding ah la geel ve tei ahi em? Pathian chapa changkhat neisun lei ahung piang ah mi zosia gitlona pat tat daw nading ah hung thi tidan ah la hiat ahem le?
Thiampu mak tak leh thil lamdang tamtak bawl thei khat in la geel sek em? Lekhabu khat Bible kiti ah a tuanthu um leh kigen dan in la ngaitua khasek em le?
Holy Bible ah athu kigen *Jesu* hi nang a din bang ahem? Jesu tawh la kizawpnau (relationship) banggual ahem? Biakna inn dak git hun a kikkhawm sek, devotion leh insung kikhawpna nei zel sek leh khat vei vei Bible sim sek Kristian kiti khat chu lahi nai maw..? Khawvel leh a sung a umte et in chu Kristian khat chu hinan la maw…..?
Pathian Gingtute chu Krista-gual @ Christlike ahiu hi. Khawvel thil ading a kochuam hilo ahiu.

Pathian Lalgam ading ah kochuam ahiu hi. Setan lalgam ading ah sem zing kawm ah khawvel ah biakna leh kochuam lam ah ki mangcha ma ma khat lahi kha diam unau-suapi ki ngaitua in aw…

Khawvel pilna,chitna, thiamna leh khawvel dante tawh vang Jesu kha a kimil sam pua e maw… [email protected] Israel te kinepna tawh vang Jesu kha aki tuak sampua vei maw…..
Taksa khawvel thil in a *en* ua tichun Jesu kha a nawl ua, Thing kros chung ah a khailum mai tau hilo maw!
*Chunglam thil in vang Jesu chu hukdampa, MESSIAH ahi vei* HALLELUJAH Amen.
Mi Krista ah Piangthakna dik tak neite chu KRISTIAN,Jesu Nungzuite ahiu hi. Vanlam thil (divine) in Jesu a ngaitua tau in, zia khawvel hile lei taksa thil ah a en talo uh ahi. Nisin a khawsak nau chu Pathian tawh kituak takin(a peaceful relationship with God)a um sek uh ahi. Pathian ah Zotu hinna lanei ta em le? Pathian zal in zia khawvel thilte melma setan thuneina hi a zo to zel zel tau un ahi.

*☦Kros thu chu mangthaite â dingin ngolhuai ahi’n; eihaw hukdam hi zingte â dingin vang Pathian thilhitheina ahi zawi. Khawvel thil niam leh mu tawm umte, thil umsate chu bangmalo a chansak theina dingin, thil umlo te natiang Pathian in a têl a;*
1 KORINTH 1:18‭, ‬28

*☦Ziaziakchun, Pathian Lekhathu ah chun, “Ngai un, Zion ah a kil ah suang poimaw pen, têldaw leh man tam ka lem tai; ama gingtute chu mualpho pua’n au,” ti a um hi. Ziaziakchun, nanghaw a gingte â ding ah chun man tam ahi, a ginglote â dingin vang: “Insate suang doilo chu, a kil ah suang phachuam pen a hung hi tai,” ti ahi ngal a*
1 PETER 2:6‭-‬7

A hethiam ding leh Thagau lam mitvakna Lalpa Pathian in simtute hung pia chiat tahen aw….
@GL Muana Neitham

*THY KINGDOM COME*

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply