LAWCHINNA LAMPI | By Pastor M. Thangboi Zou

LAWCHINNA LAMPI | By Pastor M. Thangboi Zou

0
(0)

LAWCHINNA LAMPI

Koi zong mi lawching nuomte adin “Lawchinna Lampi” chi mi thupite thugen apat I phatuompi thei kha uleh chi’n tomkim in ka hing giel hi.

Sap thupil khat in, “The roots of education is bitter, but the fruits is sweet” chin ana gen hi. Pi Mother Teresa in, “Nna sem zing khut khu thumzing Kam (mouth) sangin asiengzaw hi” chin agen hi. Pu Henry Ford (Car siemkhepa) in, “Nna nasep laisie’n na vang pha ding ahi” achi hi. Tualeh Pu Noah Webster kichipa khu guntu leh thanuom tah in laibu khat agiel giel a, kum 36 sung tawplou a abuoipi nuom in “Thumal hamsate zilkhiet nading” (Webster Dictionary) kichi leitung pumpi’n aphattuompi ding ahing siemkhie hi. Pu Elva Thomas Edison kichipa’n lungkelou kei a 10, 000 vei abawlpen, tuni chiengin Zoudawn leh phaituol a michin zat thei ding “Light Buld” leh X-Ray ahing siem khia hi. Tuni nang leh ken zong tua alawchinna ga (fruit) azal na zouta hi. Lawchinna ichipen vang (luck) a kinga himai lou in, guntuna, chitahna leh pawnthawna apat hing pieng khie ahi hi.

Bible in, “Na hin sung gimtah a nasem in, a ga na neh ding hi” (Gen. 3: 17) chin agen a, tualeh Sawltah Paul in Thessolonika mite kungah, “Nna semlou in neh dah hen” (2Thess. 3: 10) chin agen hi. Tualeh Kumpi Solomon in, “Bakhat imu tadih vang na chileh tasapna in galvon a kivon mite bangin a hinglap man ding hi” (Prov. 6: 6-11) chin agen hi.

Na lawchinna ding in hasatna tampi na hingtuo tou a ngai a, nathei ding khu lawchinna din sil khat poupou nuomtah a mupei thei ahi sih hi, chi khu ahi. Thasietna, lungkietna kichite khu lawchinna ding lampi daltantu ahi hi. Na siemzilna ah mi lawching nahi nuom leh, alou theilou a hilou leh na tawpsan dingte (i) PUBG kimawl (ii) Lawm hoilou toh kigawp lou ding, (iii) Pinic, Birth Day chite vel a va pan ngai teiteilou ahi (na innsung mite ahilou hiel leh) (iv) Social gathering i.e. Youth Club Rising day, Any Concert chite a VIP na hi hiellou leh nalai kisim zaw in. Tualeh na thei kia ding te ahileh (i) Na innsung dinmun thei siem in (Innsung dinmun theilou a laisim tulai khanglai tamta hi, means Gari neu & Mobile Phone mantampi pi nei leh tawi teitei ding sawm sin), (ii) Koi na hiei, bang sem dinga hing ki chawm ka hiei? chi na kithei khiet lou leh na lawchinna dingte pumpel khathei na hi. Sap thupi khat in, “Character loose everything loose” achipen na thei siemlou a, Khamthei (any drugs) a na kibuol leh lawchinna hilou in lawsapna na maituo ding ahi.

Mawltah in lawchinna lampi zawtna dia poimaw kasahte ka hing gelpen, lai kigel maimai a nagel a nazui sawm lou leh a kikhel nuom chiengin tunia ka laigel pen amanphat dan hing thei ngeingei ding na hi, akikhelnua na thei sangin tun theisiem zawdin Mangpa Pasian in khanglai pilna, siemna zilte zousie theisiemna leh pilna hingpe chiet tahen, chi ka thumna ahi hi.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply