You are currently viewing LAWMTAT NI (FREINDSHIP DAY) 1st Sunday, August  By Pastor M. Thangboi Zou

LAWMTAT NI (FREINDSHIP DAY) 1st Sunday, August By Pastor M. Thangboi Zou

0
(0)

LAWMTAT NI (FREINDSHIP DAY)
1st Sunday, August

By Pastor M. Thangboi Zou

Thumapui: Mangpa Jesu Khrist Sisan vanga U-le-Nau, Lawm-le-guol zousie te, tuni Friendship Day tungtawn in chibai kang bawl hi. Leitung pumpi’n tuni pen “Friendship Day” chie azat na tungah, a Tangmi umzie (History) thei nailou mi aum kha leh amaute khuolna toh, tunin tam Article tungtawn in mawlta in ka hing hilchien pie dinga, bukim louna gam a khosa ihi nalai zieh in, achingla akivat aum leh Pasian leh simtu zousie kunga na hing theisiem ding un ka hing ngen hi.

Ahing kipat dan (Origin):
Tam Friendship Day ahileh kum tengin August Nipi Ni masapen (first Sunday of August) in akimang hi. Tambang Tawndan (tradition) khu apeisa kum 1935 in United State of America gam in ahing pankhie uhi. Tuami hunchieng in Alawmte uh Jana (honour of friends) ni in nikhat (one day) sung pumpi alawite dia ahun uh pekhia/azang uhi. Hun hing peitou zel in tambang hunzat danpen ahing minthang deudeu (popularity) a, tuni chiengdong in tam “Friendship Day” pen Gam dang tampin zong ahing zang/ anit (observe) panta uhi. Tuani chieng in miten alawm ngaipen u toh ahunte u azang tangpideu ua, khuchia lawmta aki-itdan thute uh kige tuo (express) uhi. Mi atam zawten tuani chiengin alawmte uh toh silpieh kipietuoh nan (exchange of gift) azang ua, tuah sil kipiehtuoh u tangpite ahileh Pahpee, Card, leh khutbu / khut akibut thei sil khat poupou (wrist band) akipieh tuona hun in azang uhi.

Atangmi (History):
Friendship Day tangmi (Hisrory) pen hunpeisa lai in mu ding/ sut ding anaum senglou ahi. Hinanlezong Guolluilai (folktales) leh nidanglaia kigen (mythological leagends) tangmite akipan in tam Lawi leh Lawmta (friend & friendship) hinapen Leitung hing khangtou chillai (civilized world) hunlai in ana thupingaita uhi. Mi khatpen ama tang a um ding a siem ahilou toh kitawn/ kituoh in Lawite siem ding (make friendship) pen kilunggulmama in, khat leh khat kithuo khawmna/ kipawlkhawmna pen ahingpiengkhie hi.

US Gam a a Tangmi (History of Friendship in US):
United State (US) Gam a tam Lawmta Ni (Friendship Day) chia azat thupi deute uh silte ahileh Card, Thupil (Quote) leh La tamteng in azang deutangpi uhi. Tamte azat dan kia uh ahileh CARD: Tam Card zang in alawihoipen ua ding in a it dan thute u gielin aki thottuo uhi. Thupil (Quote): Thupilte kaikhawm in amau toh kituoh alawmta uh ki-itna thu amute uh khu Card agiel khie in akithottuoh uhi, akhenten alawm dangte apat amu uh thupilte khu alawm dangte toh asimkhawm uhi. La ahileh alawite a it dan thute ukhu La in gielkhie un, tuachin akithottuo uhi. Tuami la thute ahileh atangpi’n alawite uh ahinkhua ua apawimawdan uleh amanphat dan thulam ahideu pen hi, tuah bang a alawmte uh angaisut chieng un, alawmte ua dia ahun manphatah uh nikhat sung piekhiet pamai asa sih ua, poimaw asa zaw uhi. Tam banga akizattheina pen ahileh apeisa kum 1935 in US Congress in, “Sunday Nipi Ni masapen khu National Friendship Day” chia zatdia ana phuonkhietjieh uh ahi. Tua hun akipan tuni chiengdong in tam Friendship Day pen kumteng in (every year) akizang/nit (observe) denta hi. Tambang a lawmta ki-itnakhu kizahtuohna (honouring) hunzat pen mi tampin zong zatdin hoi ahing sa ua, tuoahin Friendship Day pen Pawi (festival) minthang khat ahing suohta hi.

US Gam in tam Friendship Day azat dan uh athupi danleh alaw chingdan (success) uh gamdangten amu/azah chieng un thupisa in, tuabang hun zat pen amau Tawndan (tradition) a lasawtan (adopted) uhi. Leitung a Gamtam pin tam Friendship Day azangta ua, thamlou in i tenna India in zong i mang panta uhi. Apeisa kum 1997 in United State in “Leitung pumpia kilawmtatna (Friendship) phoungzatu in “Winnie-the Pooh” chin aminzaw ta uhi.

Laisiengthou a Lawmta Ni poimaw dan (Important of Friendship Day in the Bible):
Tumlam gamte (western country) akhantouna ding ua akibulphuna ukhu Bible ana hia, Bible sunga Mihingte adinga Ginna, Muonna leh Kipawlna (faith, trust & companionship), akibulphunauleh akaikhawmtu Kilawmtatna (friendship day) pen ahidan Bible ah envai. Bible in kilawmtatna anagen chieng mama hi, khumte ahileh:

Mt.7: 7 nan, “Ngen un pieh in na umding u, sui un na muding uhi….”

John 15:13-15 nan, “Mi’n alawmte a dinga ahinna apieh sanga lienzaw itna a um sih hi…. ka Pa kunga ka zah zousie na kung uah ka hing theisah ta hi…”

Thamlou in Thuhun lui (OT) leh Thuhun tha (NT) sunga zong lawmta manphat danleh Lawmhoi (true friends) pen Goumanpha (treasure) ahidan mun tampi azong akimu hi. Theidia poimaw khat ahileh OT & NT tegel a Kilawmtatna (riendship) agendan u atuom tuoh (different meaning) in agen uhi. Kilawmtatna umzie (meaning) agen dante uh ahileh (1) Kitheituohna/ kimel theina (acquaintance), leh (2) Kingainatna (affectionate relation) chin akhenuhi.

Thuhunlui laibu sung i et chiengin, “Abraham pen Pasian lawm (friend) ana kichi hi, khuleh Pasian in Mousi alawmpa ahoupi bang in kimaituohpi’n ahoupi hi” (Gen. 18: 1ff, Exo.33:11). Tualeh itna tahtah toh, “Ruth leh Naumi” akilawm ta ua, Khuleh, “Hushi khu David adia akipieh zawhna leh David leh Jonathan” tamte kilawmtatna (friendship) pen Bible in agen chieng mama hi.

Tualeh Thuhun tha (NT) laibu i et kia chiengin tambang in akimu hi, “I Mangpa Jesu Krist leh Nuazuite kiguizopna in Mihingte Lilawmtatna (friendship) hing khangtou semsem ding ahidan ahing mukhe sah hi”. Tualeh “Sangshiete leh nuazuite, Aneipa leh suohpa, (Lord & servant) kiguizawpna(relationship) khu Lawmta hidingin ahing khangtou hi.

Mahabharata a Kilawmtatna poimaw dan:
Hindu sakhuote (religious) gindan in Mahabharata a pasien uh Lord Khristna khu kilawmtatna (friendship) chi tuomtuom in etsahna nei chin agingta uhi. Tuateahileh Lainatna, Kilungsietna, Kisanggamna, Vengbittu, Lamhiltu, Kiguizawpna, chiemnuihat (affection, romance, brotherhood, protection, guidance, intimacy & even testing) kilawmtat na pen tamteng ban ah adangdang zong ahi chin nagiel uhi.

India gam ah:
Hunleh nite hingpei touzelin i tenna gam uh India azong tam Ni pen (friendship day) thupitahin zatin ahing umtahi. Tambang hun kizatna pen atangpin khanglaite lunglutna toh akituoh mama a, tam hunchiengin khamglaite thanuom/kilawp/kipahtahin (enthusiastically) azang uhi, khuleh tam hun zang atangpite khu sangnaupangte (students) ahideu uhi.

India gamsunga tambang akizat chieng inUS te bawldan bangin Card, Thupil (Quote) leh La zangin alawmte sienguah alainatna thute uleh aki-itna thute uh laia giel in akithot tuohin, tuami tungtawmin akigenpiezel uhi.

Lawmte dia hun piehna Ni (Day Dedicated to Friends):
Tam hun akizat chiengin miten alawm hoipente (best friends) ua dingin ahun hoipen uh apie uhi. Mitam zawten ahun uh Ni khat sung (one day) pumpi alawmte utoh azangkhawm uhi. Tua chieng in ahun peisate ua lawmta hoi dan ahi uleh tuhun tanchieng (present) ua ahinkhuo zatkhawmdante uh genkhawm/sutkhawm nan hun azang ua, khule nekhawm/ dawnkhawm na inahunte uhazang khawm uhi. Khuleh akhente bang alomte uh muntuom a umte bang melmulou tongsaan tungtawn in akilawmtatna thute uh akinousiet (wish for friendship day) akichibaibuna thute uh akilelkhawm uhi. Mi khenkhatten vang Internet tungtawn in alawite utoh kihounan azang ua, thamlou in internet tungton in Card azong lai akithot tuoh uhi.

Sanginn leh College a kizat dan:
India gamsung a tam Lawmta Ni (friendship Day) pen atangpi’n Sanginn leh College ah akizang tangpi hi. Tam nichiengin a lawmte uh (friends) a nousietna (wish) ding leh hun azatkhawm ding uh ngaituoh intam hunkhu kipahta leh thanuom tahin angahla mama uhi. Naupangten tamni chieng adin chin Card, Silpieh (gift) bawlin, alawm hoipente (best friends) jieh ah akipahna uh etsahna dintouhte apie uhi. Khuleh akhenten khut abuthei khutbute (band) kibuhtuohsahna zang zong aum uhi. Tualeh tamni chiengin koiin silpieh (gift) atam mupen ei chin akidong tuoh chiet uhi. College mun khenkhat a tam ni hunzatna din hun tuom deu a vaiguon (special pgogramme) asiem ua, tua vaiguon pen khanglaite adi’n alawite utoh Lamna (dance)leh Lasah (singing) nan anuom theipen ah akipawlna ding un hun azattheina diua vaiguon siempieh ahi.

FriendshipDay Parties:
Tumlam gam (western country) khanglaite zatbang in, i tenna India gamsung a khanglaiten zongtam ni chiengin vaiguonsiemin alawmte utoh nopbawlna (parties) hunin azang uhi. Tuahun chiengin Lamna munte (dissotheques) leh Ju juohna munte (pubs) ah apeikhawm in, tuahnah tumging (music) kihahna munteah alam ua, ahinkhuo ua amanghil theinawnlouna ding khop un alawite utoh anuomtheipen in ahunte uh azangkhawm uhi.

Punna dia zangpawl (Commercialization of Friendship Day):
US gam leh gamdangte bawl bangbawl in tamni chiengin itna India azong punna dia sui/gel a (commercialized) ana hazat mama mi pawl khat aum uhi. Vanzuoh miten, tamni/ tamhun ahing tunmasangin avanteu miten alawite adia aleipiehna nadingun atangkoupi(campaign) uhi. Khuleh Restaurant neiten zong mi atam theipen in aleitheina ding un, avante uh kimandeu in (discount) azua uhi. Khuleh guolnop (parties) zong abawl uhi. Mi khenkhatten tami tangkouna pen (compaign) adei sih uhi. Tambang a punna/metna a Lawmta Ni akizatna pen in dausah (marred) chin a gen uh hi. Hizongle akhenkhatkiaten lah tam bang tangkouna (campaign), advertised jiehin, mite lungsim a tam ni pen geldohsa in, alawmte adia hunpie ding ahidan theisah / geldohsah uhi, chia genpawl zong um veve hi.

Tunin leitung pumpin August nipi ni masapen (1st Sunday of August) khu kumteng in FRIENDSHIP DAY chin akinit (observed) zing tahi.

Bible Tang sim dingte:
1. Sol in um sih un, Lawm gilou in umdan hoi asuhsie hi. 1Kor. 15: 33.
2. Theipitu gin um in zuou agen ngai sih hi. Prov. 14: 5.
3. Mi aval a genphapa sangin hoina dinga mi phopa atawpna ah lungkimna amuzaw ding hi. Prov. 28: 2.
4. Mi lungthabei pouma lawm in nei sinlen, mi lungpheng pouma kigawppi vawt sin. Prov. 22: 22.
5. I lawm hoitah in ahing liemsahnate khu deisahna ahi. Prov. 27: 6.
6. Lawm hoitah apat liemna khu aginum a… Prov. 27: 6.
7. Nang leh Kei kikal ah kumtawn in Mangpa aum ngitnget hi. 1SaM. 20: 17.
8. Lawm khatin bang chilai pouin a it ngitnget a… Prov. 17: 17.
9. Pienpi sanggampa sanga kizawppi jawl lawm khat aum hi. Prov. 18: 24.
10. Lawm ahijiehin angeite apieh ding hi. Lk. 11:8.
11. Tam mipa na hah leh Kaisar lawm na hi sih ding hi. Jn. 19: 12.
12. Abraham khu Pasian lawm akichi hi. Jak. 2:23.
13. Min alawmte adding ah ahinna apieh sanga lienzaw itna aum sih hi. Jn. 15: 15.

Akhupsitna: Tam Lawmta Ni (Friendship Day) tungtawn in Lamka khopi sunga teng Zou suon zousie tunga ki-itna, ka-lainatna, ki-hepituohna Mangpan hingtun tah hen chi ka thumna lienpe ahi hi.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply