LEITUNG A HAM TUOMTUOM A KILETKHIA TAMPEN BANG LAIBU AHIEI?

LEITUNG A HAM TUOMTUOM A KILETKHIA TAMPEN BANG LAIBU AHIEI?

0
(0)

Theina belap na ding
LEITUNG A HAM TUOMTUOM A KILETKHIA TAMPEN BANG LAIBU AHIEI?

Compiled by: Pastor M. Thangboi Zou,
Local Pastor, Bengaluru ELC

Thumapui: Tunia i thupi gen ding ahileh Internet leh ham dang akigelte ka hing kaikhawm ahia, achingla leh avalseng a lekhiel kha aum leh Pasian leh simtute kungah na hing theisiem ding uh ka hing ngen masa hi.

I leitung tangmi i et chiengin Kum Zabi 14 (14 Century) lai akipat ana kiletkhia leh tuni chieng tan Gingtute (Khristiante) Laisiengthou (Holy Bible) kiletkhe zing nalai, Leitung Ham (Language) tuomtuom a kiletkhie tampen khu ahina lai hi.

A nukhiepen (latest) pen tan a kitheidan in Laisiengthou khu leitunga Ham tuomtuom 704 (internet) 688 (mite gandan) akigelkheta a, tualeh Thuhun Tha (NT) laibu guo ahileh, ham tuomtuom 2,210 (internet record dan in 1551) aphata hi. Tualeh, Laisiengthou a part tuomtuom akiletkhe zat Ham 3,450 (Internet record dan in 1160) aphata hi ( Gentenan: Khantanhoi Johan, Luk, Isai leh adang dang).

Kum Zabi 16 lai (16th Century) akipan Mangham a Laisiengthou akisuodoh zat mongmong ahileh Copy 6 billion avalta hi. Tualeh ham dang tuomtuom a kiletdoh/ kibawlkhe teng toh igawm khawm leh apumpi in Copy 9 billion avalta hi. Tamna Copy kisuntezat apat genthei dingdan ahileh leitung pumpi a mi chin in Laisiengthou pocy khat chiet tang ding hile zong 1 billion val nalai dingin misiemten asuikhie uhi.

Adherent in 2020 record abawl dan in, leitunga Sakhuo mising (population) umzat leh percentage apiedan ahileh
(i) Khristian: 2.382. billion, 31.11 %
(ii) Islam: 1.907 billion, 24.9 %,
(iii) Hindusm: 1.161 billion, 15.16 %
(iv) Secular/ Nonreligious/ Agnostic/ Atheist: 15. 58 %
(v) Buddhism: 6.62 % (vi) Folk Religions: 5. 61 %
(vi) Other Religions: 0.79 % chin internet ah atalang hi.

India gam a Sakhuo mising phazat leh percentage te ahileh:
(i) Hindu: 79.80 %, 96.62 Crores
(ii) Muslim: 14. 23 %, 17.22 Crores
(iii) Khristian: 2.30 %, 2.78 Crores,
(iv) Sikh: 1.72 %, 2.08 Crores,
(v) Buddhist: 0.70%, 84.43 Lakhs
(vi) Jain: 0.37 %, 44. 52 Lakh
(vii) Other Religions: 0.66 %, 79.30 Lakhs
(viii) Not Stated: 0.24 %, 28.67 Lakhs chin Record abawl hi.

Tualeh itenna Manipur gam pumpi a Mising (population) phatzat ahilehg 28. 56 Lakhs lah ah Khristian mising phazat leh percentage te ahileh 41. 29 %, 11.79 Lakhs apha hi. Theibe dingin Sakhuo dangte a ahileh
(i) Hindu: 41.39 %
(ii) Muslim: 8.40 %
(iii) Sikh: 0.05 %
(iv) Buddhist: 0.25%
(v) Jain: 0.06 % (vi) Other Religions: 8.19 %
(vi) Not Stated: 0.38 % aum jou hi chin Record akimu hi
( Sourse: All India & Manipur Religion Cencus Data 2021).

Ahin leitungah Laisiengthou kiletna Version tampi a um a, tuate lah a michin in atheideu pen (popular version) te ahileh: (i) King James Version (ii) New Revised Standard Version (iii) New International Version (iv) New American Standard Bible (v) The Living Bible (vi) English Standard Version (vii) Good News Bible (viii) Today’s English Version (x) Holy Name Version (x) New Living Translation (xi) Common English Bible (xii) New English Translation (xiii) Christian Standard Bible (xiv) New Jewish Publication Society of American Version te ahi hi. Tam teng lah ah King James Version le New International Version tegiel khu popular pen in ahi.

Tualeh Bhagavad Gita (Hindute laibu siengthou) khu Ham tuomtuom 75 agelkheta a, tualeh ham tuomtuom 300 val in akiletkhe tahi.

Muslimte laibu siengthou Quran ahileh Ham 74 in akigel kheta a, ham tuomtuom 114 in akiletkhe tahi.

Leitung a Sakhuo laibu hilou, ahivang a leitung pumpi a Laibu minthang, ham 100 val a kiletkhete ahileh: (i) The Little Prince (ii) Pinocchio (iii) Alice in Wonderland (iv) Han Anderson’s Fairy Tales (v) Twenty Thousand Leagues Under the Sea (vi) The Advantures of Asterix (vii) The Adventures of Tintin (viii) The Alchemist (ix) Pippi Longstocking (x) Harry Potter (xi) The Da Vinci Code (xii) Pilgrim’s Progress kichi teng khu ahi hi.

Pasian in damna leh hunhoi ahingpia ding kinem in mailam hun ah ei Zoukam in “Khristian Khuolzin” (The Pilgrim’s Progress) kichi laibu pen hing suo khebei tading hi, tuami nadin tulai tah a alekhietna (translated) pei lellel ahia, lawching tah a kang zawh khiet a, i miten eima ham mama a i siemkhiet theina dia sutkhiet (publish) a ahing um theina dingin simtuten na thumna uah hingna thei zing dingin Pasian min in ka hing ngen leh chiel hi.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply