Imphal, Aug. 3 (Nisin Thuhiltu): Manipur Governor in Lieutenant General (retd) Laiphrakpam Nishikanta Singh @ LN Singh chu Manipur Public Service Commission (MPSC) Chairman thak ding in appoint a bawl hi.
Lt General L Nishikanta Singh (61) ahileh Laiphrakpam Thakendrajit Singh leh Kanon Devi of Khomdram Selungba Leikai Thangmaiband, Imphal chate lak ah khat, kum 1958 ah piang a hi. Ama’n Thingen LP School in Lower primary education a la zo a, Gurukul Jr High School leh Tombisana High school ah Primary Education zo in, kum 1968 ah Imphal nusia in West Bengal ah Sainik School Purulia in zilna a sunzawm a, kum 1975 ah school higher secondary exam ah toped hina lua in, zia kum ma a chun National Defence Academy (NDA) a zawm a, kum 20 bep a hi ah Indian Army zawm in, kum 1979 in 9th Battalion of JAKLI regiment in a um hi.
North East state chuamchuam apat Indian Army ah sem Lieutenant General panmun tiang lua te lak ah a pathum tinna leh Manipur apat Lieutenant General tiang panmun lua zo, a panina hiding in Sep 2015 ah Lieutenant General panmun a lua hi.
Madras University ah M.Phil in Defence Studies a la zo, nasep hawi ziak ah Vishisht Seva Medal (VSM) ni’vei sâng, Commendations Card thum’vei mu a hi.
Shrimati Sanjenbam Nandita tawh kicheng in chanu pathum – Parveen, Amita leh Deepa a nei a, a suapi pawsal (brother) Jogendra Singh in Secretariat,
Finance Department ah sem in, a suapi numei (sister) Meena chu tu ah Thailand gam in a um hi.
Indian Army ah a sep sung in, Assam, Nagaland, Manipur, Kolkata, J&K, Punjab ti te, Bhutan, Myanmar, China, Afghanistan Pakistan etc panna foreign gam 20 val ah official duty chia, Bhutanese pau thiam, Army War College ah Professor lui a hi.
Kum 40 sung Indian Army ah a sep nung ah November 30 2018 ah retired in, a pianpi suapi 10 a neite, a pu-leh-pa khang ua gam (land) a la lamdaw piak uh um te amausia hawppiak ah a retired hun ah Inn leh Lo neilo ah Lamphel area ah mi inn lua in a la um hi.