You are currently viewing MELMATE A DIE THUM by: Pastor M. Thangboi Zou
Get In Lamka

MELMATE A DIE THUM by: Pastor M. Thangboi Zou

0
(0)

*JULY-25*

*Thupi: MELMATE A DIE THUM*

*Tangtel*: Tuachi’n Jesu’n, _“Pa aw amau ute ngaidam in, a silbawl uh a theilou zieh uh ahi”_ achi hi (Luk 23:34).

Tamna I tangtel khu Jesu Kross a kilbeh a a um lai a, a thugente lah a a masapen ahi. A khut leh akengte a kilbet lai un, ama thatte a din a thumsah nalai hi. A silbawldan uh huoisie asah a, bawlkhiel ahi uh chi athei a, ama ading a silhoilou ahi a, mu thadah huoi mama ahi hi. Hinanleh Jesu’n, amau ua din ngaidam a ngetsah a, a theilou zieh ua tambang bawl kha danin amaute a hoilam in a gen hi. Nang tuadin mun ah dingin kigel vawi, bang lungsim neidin na ki gingta ei?

Agape, itna lahlah a asangpen Pasian itna in, melmate tunga silhoilou bawlte a ngaidam thei a, amau ua din thumsah thei tahtah ahidan tamin ang hilchien hi. Pa Pasian itna, a Hagau Siengthou zieh in ei ah tengin, a ut bangin gamta leh tami silbawlthei na hizaw hi. Melmate it theina khu Pasian apat itna ahi. Samuel in Saul kunga, “khawl tadi vawi! Mangpa’n zani zan a ka kunga agen khu ka hing hilding ahi” achi hi (1Sam. 15:16).

Mihing khat adia melmate adia thumsah chipen silbai hivawt lou hi, nanleh Stephen kungah, nang bangchi dan a ahing thattute adia na thumsah thei ahiei? (Nasp. 7: 60) chin dong thei hilei, aman Jesu Khrist in ahing zilsah ahi (Lk. 23: 34) ahidan ahing hilchien mama ding hi. Jesu Khrist toh kijopna dihtah/ dettah neitute a din melmate adia thumsah kichipen hamsalou ahi, ahin vang Jesu toh kijopmantna dihtah neiloute adin vang hamsa mama dng hi.

*Pastor M. Thangboi Zou*
*HINNA TANGHOU*
_Devotional Message, 2021_

Manipur National Day celebrated - GetInLamka News
Get In Lamka

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply