You are currently viewing “MIHINGTE HIH KINEPNA HING NEITE IHIU” By:Ginlalthuam
Pu Ginlalthuam

“MIHINGTE HIH KINEPNA HING NEITE IHIU” By:Ginlalthuam

0
(0)

“KINEPNA”

Bible changtel: 1 Korinth 15:19.

“MIHINGTE HIH KINEPNA HING NEITE IHIU”

Aziktu: Pu Ginlalthuam
Lalgin Inn
Mualngat Innpi
Khualzinna Gam
( Land of Pilgrimage)

🙏

Simtute laleng un damna chibai uhle..!🤝

Khawvel i khualzinnau gam ahin mihiamte hih i hung pian apat KINEPNA tawh piangkhawm in, chutichun nasep thilbawl hihenla, thiamna chitna kawngbang kim ah sem leh bawl ah, zil i hiu hi.
Kinepna neilo chuh athi gual mai ahiu.
I chungah thil tung, asia hin apha hitaleh zia ah chun kinem in i hing uh ahi.
Tulai hiipi huaisia(Covid-19) hiileng(Pandemic) hile nisin leh hunsin in hiivei chuleh athi amang pungdeu deu tamaleh hunkhat chuh ahung kithial/ bei hun hung umna loding ahem…? Tichuh mihingte kinepna lian tak khat chuh ahi zing hi.
Tunle ei Manipur state ading ah damtheina lam tawh kisai MEDICAL INFRASTRUCTURE pha leh hawi, Phaipi( Imphal) mun; RIMS tawh JNIMS Hospital ah OXYGEN plant hung kisiam dawk ta; zia bep chule hilo, ei Churachandpur Dist. ahle OXYGEN plant hung ki siam dawk kit zel ta. Churachandpur Medical College, damthei nalam tawh kisai in zilna mun ding sorkal (Govt.)in ei guanggal piak hih mipite kinepna lian tak khat ahung hih kik zel tah ahi.
Chun Dr. Komal Singh in …”Ashana leiringeida mioiba shiba naide”. Zia chuh ” Kinepna i neilai in mihingte hih thitheilo”. tiin ala gen hi.

Khawvel ah mihingte i damlai ni hin kinepna neilo a kium ngai puai, hun leh phat ahung kihei tawh dungzui in kinepna thawn ahiloleh kinepna guitung/ziksuak tiin i hinkhaw a chialiam zel hi.
A bangchuh hitaleh Pathian ei siamtu hepina achun kingan; kinem inla, damtak in um inla, Pathian malzawlna dawngtak hithei dingin la nisin hinkhaw, kinepna thawnlo hial dingin kiging zing in um inla, damlo ten dam kik ding kinem in, nasem thilbawl te chuleh zilna neiten lawtinna leh gualchung chuan ding kinem in, Khristian chaten haksat genthei thuak zing kawm in vangam tunding kinem in, taksa leh thagau lam in kinepna lian tak nei zing kawm in i kithamuan tua sek uh ahi.
Nikhat ni leh KINEPNA ziakin i do gaal uh zo nalo ding ihiu em….! (with hope we shall overcome someday).

Awle, atawpna dingin tuni i gennawp pen ahileh mihiamte hih khawvel damsung ading bep ah KINEPNA nei ihipuau ah thagau gam tiang huap ah KINEPNA hing nei te ihiu ahi.
Ahin, Khrist ah i kinepnau chuh tu damsung ding bep ahi khak le vang chuh…..mi zosia lak ah lungsiat um pen hih ding ihiu.
Khawvel damsung chawmcha ahin taksa chuleh thagau ah KINEPNA hing leh ziksuak hithei chiat dingin Lalpa Pathian in athu malsawm henla.
I umnau leh i khawsakna mun chiat un damna phatak in ei umpi zing zing tahen.

✝️

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply