MINU/MIPAN CHATE DINGA CAREER PLANNING POIMO DAN HETPEHNA CHULEH SOCIETY SUNG (KHANGTHAH HO) VETTUP DINGDAN
Get In Lamka

MINU/MIPAN CHATE DINGA CAREER PLANNING POIMO DAN HETPEHNA CHULEH SOCIETY SUNG (KHANGTHAH HO) VETTUP DINGDAN

5
(117)

MINU/MIPAN CHATE DINGA CAREER PLANNING POIMO DAN HETPEHNA CHULEH SOCIETY SUNG (KHANGTHAH HO) VETTUP DINGDAN

Career Planning hi Simlai khat adia poimo loitah ahina ban’a eiho society sung’a akhohsah itam pouvin ahi. Mihem ama lunglutna leh boltheina/talent toh kitoh kilhen khah ho ahampha-uve. Ahi’n, hiche hi ‘lottery’ bang’a vang-vet a avangpha penho chang jong ahidehpoi. Mihem jouse Pathen in Talent eipeh cheh uva chuleh eima ho lhohbuh manchah themna lampi eipehsoh keiju ahi. Abang thingthembol, kichep-goulseh, Jilkung etc.
Hijeh hin adeh a minu-mipate hon icha-inao tehou lekha isimsah uhi kinepna lentah neipum’a isot u ahi’n, pan ilahnau Admission leh tuition fees , uniform, pen/pencil leh notebook etc suhtoh ho ban’a imopoh nau noiya hin achomlam tah in velha hiute:

Class-VIII
Focus Career Exploration: Simlai icha-inao tehou alunglut/thanopna thei lampi ho makhoding gelsao pum’a kholchil/hetpeh phat.
Vetsah nan – Pasal khangthah Defence lam’a Career kisepnom’a kihetchen tahbeh khat ahileh RIMC jong bolteidin aphan, insung dinmun’in atoleh Sainik School hoajong Class-VI/IX ajong lutding phante.

Class-IX
Focus on Student’s Strengths & Weaknesses: Simlai khat athepna leh alhahsam na ho vetkol/hetpeh a lhenchil phat.
•Alunglutna toh ama subject(s) hetthei(ho) kitoh/kilhon hinam?
•Kimkhat chu Medical lang lunglut tahen lang Science subject alhahsamna pen hitaleh chijongchu vetchil/hetpeh ngaiding ahi.
•Kihambol jeh a kikhelna/improvement neithei ding vangchu kot lentah aum jingnai.

Class-X
Finalize Stream Option: High School/Secondary level chaikon ahitoh kilhon’in aban ipi stream (Arts, Commerce, Science etc) akilhen ding hetpeh phat ahi.
•Ipi stream alah theiding ham tihi ama lunglutna, hettheina toh kithuh pen lhendin phante.
•Asonding holeh Asimding ho kikah ajong kihoutoh na angaikhoh in, Minu/Mipan achachu Engineering simdin dei henlang Acha chun Fashion Designing kalunglut e tihenlang / Science leh Maths thatlel tale
hahsatna atothei tam’inte.
•Chukit leh asim banjom na thei college pha chuleh insung dinmun toh kithuh ho vetchil angaijin ahi.

Class-XI
Stream Jong akilhen joutan aban ipi vat ham? Subjects combination ho hetchen angaikit e.
•Kimkhat chu Economics (Hons) lunglut ahileh college hoi/pha atamjon 10+2 level a Economics (Arts) with Maths (or Science with Maths) adeilhen jiuve.
•Kimkhat chu Biotechnology lunglut ahileh BSc BioTech alahdingham, BTech BioTech alahding ham? BTech BioTech alahding leh Science with Maths ahitei angaijin, BSc adin Maths angaikhel poi. Ahinlah future career prospects jong vetchil-kholchil angaikit in ahi.
•Architecture lunglut khat ahileh 10+2 level ipi stream hijongleh Maths subject alahtei angaije.
•NDA lunglut khatdin, 10+2 ipi stream hijongleh alahmo ahipon ahinlah Entrance Exam a Maths 300 Marks apohkit ahijeh in notthap jengthei ahikitpoi.
•Engineering/Medical lunglut hodin insung dinmun in atoleh 10+2 simtoh coaching lah kikop hojong bolding phante.
•Lhangpi’n Class-XI hunglut tengleh entrance exam ho dinga kigotpat phat ahitai.

Class-XII
Entrance exam ho ding’a kigotna banjom’a mock test ho bolphat chuleh tanglouva Minu/Mipan chate tilkou jingding.
•Kimkhat Engineering/Medical lunglut hochu JEE/NEET a dinga kimagot ding dan hetthem loujeh in exam nikho dingbou ngahjeng jong aum’e. Amaho gel’in JEE/NEET exam nikho leh exam umdan ho kihe intin kumkit leh coaching kila hen!…. tiho tobang ahiji.
~hiche hi hilouding ahi, Cl-XI,XII phatsung hi entrance exam hoa kigotna dinga phat kijen pet ahi.
~Minu/Mipan chate lunglutna toh kisai entrance exam past year paper ho chomkhom a, study materials ho gontup pehding, phat mandan vetkol ding. 10+2 level a entrance exam hohi kitup tah a syllabus (well-defined) kisem ngen ahijeh in Cl-XII jou-a coaching lah teiding ti hohi ahithei chan’a gellouvin phante. Angaikhoh dungjui leh chate dinmun toh kitoh a vetvang angaije.
•Entrance exam pehthei ho vetjing (keep track) angaije. Atamjon exam pehthei umho hephalou jong atamji’n, abangloi phat leplel jong atamkit jie.

Achung’a bang Formal Education tailou career options dangjong vetthei ahi. Cl-VIII chaikhat chu formal education sang’a aman skill set aneileh chutoh kitoh a vocational, Polytechnic/ITI course holeh short term Job-Oriented course hojong bol a phatah ahi. Awareness / Kijahmat tona lhahsam jeh in boltheina neiya manchah louva umjong ium jiuvin apamai jie. Hiche lampi chethei ding aumkhah leh tosot/tilkhouvin aphai.
Seibe din Class-VIII or Class-X jouva 2-Yr ITI course bolkhat in NIOS a admit akibol leh ITI course ajoteng NIOS noiya English paper toh paper dang khat (agom’a paper ni) ajih a; alolhin leh Class-X or Class-XII Certificate aneithei ding ahi. Hiteng chuleh amacham’a (entrepreneur) tohnathei lampi kisemthei intin, Govt./PSUs/Private industry jatchom chom’a tohna thei lampi jong avetthei ding ahi.

Minu/Mipa ho bantah a society semtupna dinga panmun neiho tiemna:
1.Khosung kah a khangthah lekha simsang ho/chingtheijep ho panmun-
Insung kah a Minu/Mipa mopohna ban’a khosung’a lekha simsang hon jong naote ho puihoi dinghi angaikhoh e. Kahlah a Minu/Mipa lekha simlou leh genthei hahsa umho jong hetchet ding, naote ho tilkhouna thei lampi vetding, insung dinmun toh kithuh a naote ho lunglut na hojong lamhil angaije. Tohmunneitasa holeh khosung’a khangthah chingthei ho kithokhom a thilpha bolthei chan bolding.

2.CSOs, NGOs, MLA etc ho panmun-
Society natong dinga kiloikhomna kiphutdoh ho chuleh Mipi thakhel’a Minister ineihou jong panmun lentah
ineijuve. Imopohna houbang in tohmolso teiding gong’utin, society khantou machalna din lamchom cheh a kithokhom cheh hiute. Simlai Khangthah insung genthei hahsat jeh a lekha sim joulou hojong vetkol ding, Khangthah Jule sa chuleh nopsahna a hinkho lamvai hojong vetkol teiding angaije.

Hijeh hin Minu/Mipan simlai khangthah ho dinga career planning apoimo danhi hechen hiutin, chate dinmun hetpeh hiutin tilkhou jing leuhen ikipuihoi nauva manlutah hithei inte ti tahsanna lentah aum’e.‘Khangthah hohi makho dinga khompi ahiuve’ ti thuchih in aseibang in, Minu/Mipa bantah a panmun neiho
tichu khosung kah a Youth Club leh adangho ahin, CSOs chuleh kiloikhomna dang honjong pan ilahnau ban’a semtup dinga lom tamtah umho hi vephakit leuhen Nampi semphat na’a natoh lentah hitei inte. Ajona’n Pathen tahsan cheh ihinau ban’a itcha louhiel in Ngailutnan thilpha jochan’a boldin ikitiem’uve.

Thangkhanlen, Kholep
Certified Career Counselor
UCLA(Ext.) & Univariety

How useful was this post?

Click on a star to rate it!

Average rating 5 / 5. Vote count: 117

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

This Post Has One Comment

  1. Lalneo

    👍👍👍

Leave a Reply