Mizoram | CHIEF SECRETARY-IN BANK-TE A VAU

Mizoram | CHIEF SECRETARY-IN BANK-TE A VAU

0
(0)

CHIEF SECRETARY-IN BANK-TE A VAU

Chief Secretary Pu Lalnunmawia chuan kar kal taa Mizorama bank-te hnathawh dan thlirletna inkhawm Aizawlah Mizorama bank-ten mipui hnen atanga sum dahthat (deposit) an hmuh leh loan,advances,etc. atana an pek chhuah inbukna (Credit-Deposit Ration) chu state dangte aiin a la hniam hle tih sawiin bank-ten loan an pek chhuah tlem vang a ni a ti a. Mizorama bank awmtechu mipuite hnena loan pe tura mawhphurna an neih thu sawiin bank thenkhat, a bik takin private bank-te chu mipuite deposit lo dawng tur ringawt ni lovin state hmasawnna tura mipuite hnena loan pek chhuah lamah tan la nasa lehzual tur leh mipui tana thawk tam leh zual turin a chah a. Loan pe tha duh lo bankte chu sawrkar laipuiah thlen a ni ang tiin a vau a ni. Chief Secretary chuan bank-te chu loan an pek theihna turin thingtlang khua pakhat theuh adopt turin a hrilha, chung khuaah chuan agriculture tan KCC loan leh Self Help Group loan pawh pe turin a hrilh a ni.

Mizoramah bank hrang 27 a awm a, branch 212 an nei a, chungte CD Ratio chu 42.63% a ni a, kum khat kalta chhunga deposit an hmuh chu Rs. 10,532.17 crore a ni a, mipui hnenah loan hmang emaw, kawng dang hmang emawa an pek chhuah zat chu Rs. 4,489.48 crore a ni.
Bank-te hian an thiam thu sawi ve dawn se, loan an pek rulhna (recovery) an hmu tha lo an ti ngeiin a rinawm a, thui tak a dik bawkin a rinawm. Loan la si, rul tha duh lo/rul lote chuan loan la zel turte kawng an dan(block)na chin a awm a ni.
Reserve Bak of India (RBI)-in bank-te tana CD Ratio a bituk emaw a beisei emaw chu 60% a ni a. Mipui hriatthiam zawngin, hnam dangte hotu an nihna emaw thawk an tamna bank-ah loan lak a harsa a, an ui bawk a ni. Mizoram Rural Bank te, Apex Bank-te chuan loan an pe tha tlangpui thin a ni.
Bank thenkhatten an awm tirhin, loan an zuar thin a, tu huatthu lohah, thingtlang mi mawl zawkte hnenah loan an pe a, an rulhin a capital rulhtir tel lovin, a pung (interest) chauhte an rulhtir thin a, tin, bank hotute an inthlakin thingtlang mi mawl te teten harsatna namen lo an tawk thin a. |henkhatte chu an eisak ni te pawhin a lang hial a ni. Bank thenkhatah thingtlang mi loan ba, rulh ngaihna awm chuang lo eng emaw zat an awm mek a ni.
Chutih laiin loan lak chu rulh ngei a ngai a, rulh loh chuan leiba a pung duh em em a. Loan a nih avanga tawngtaw ngam tur a ni lo a ni. Rulh that chuan lak leh zel pawh a awl thin.
Mizoramah bank a pung zel a, Chief Secretary sawi anga bank-te chuan deposit ringawt ni lova, deposit atanga 60% tal pe chhuak tura tan an lak a, chumi tur chuan an tan a pawimawh hle a ni. (MIZO AW editorial dt.2.7.2019)

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply