You are currently viewing MOBILE PHONE LEH TULAI NAUPANG

MOBILE PHONE LEH TULAI NAUPANG

3
(1)

*MOBILE PHONE LEH TULAI NAUPANG

Corona virus hilen ziakin haksatna tampi ila tuak uh ahi. Nek leh chak hawlna kawng inle kumdang sangin maithem hilo in haksatna aki tuak ta ahi. Zia chu thukhat hitaleh, thiamzilna leh insung ki etkawlna hi thil dang dang sangin I buaina pen uh ahung hita mai a,Nu leh pa tamtak kinepna, cha leh naute thiamzilna a hung ki sang dang thut ziakin, maban ah buaina namên lo chu maitua ngei ding I hidan uh kichian mama in muthei ahi.

Dr. Kh. Jelen,M.D.(AIIMS),D.M.(AIIMS),Chief Cardiology, 15 yrs experienced in Interventional Cardiology, Consultant, Apollo Hospital and Imphal Heart Institute

Tulai khawvel chia dan ah mi zosia mawpuakna ziakah siamphat zaw ding tampi a um hi. Zia te lak a chun lekha zillai te khankhua ding chu lungkham a um pen nalai ahi. Kum lam ah ala piting te a dingin a lemtuak thei nakhat a um nalai sam hi. Ahinla, naupang kum ting nailo te mobile phone a etkawlna akimang tamai hi zia hi’n insung chawndan, gamsung chawndan te hawisak malak sangin, maban khang hung chiazel ding ahi’n haksa ma ma dingin aki mu ahi.

Himaleh, thiamzilna lam bep et in chu tulai khantona ziak tithei ahi nan, Khangthak zillai te a dingin khawvel khantona ah khua hiatna hingei ina. I khawvel dinmun in a puakdaw zil ding him le chu ahi. Zia kawm kawm achun, I insung leh khawtang ah kithumawpna gual lo uh zingkal nitak ah I khutpek ua um zing tamai hin bang ei tunpi diam ti ahi. Khantona lampi iti zing lai in siatna lampi sauzaw hawkhak ahi chun bangkim ah kiakniamna ei tun thei zing dinmun I hiu ti hi a chiantawk ahi. Zia hin ngaituana sautak a um a, school le college te thiamzilsak gualin nu leh pa te’n mawpuakna aki zilsak zo na em? Thiamzilna a dingah hawi ma ma ding himaleh I insung dinmun teu, hun I neidan teu, I khua hiatna teu in thiamzilna ban ah bang gual a pan I lak thei uh a um em ti hi nu leh pa te a dingah gen phaklo thil haksa tak chu ahi. Ziaziak a chun, naupangte masang khankhua hi lungmuanna sangin lungkhamna tamtak tuntheina hizing ahi.

Mani insung chiat ah thiltung, I gamsung thusuak apat thiltung te haw hin I khawtang dinmun aki chiantawk hi. Khawvel khantona in khua neucha apat khawpi gual ah hung chengbûm te ngaituana lunggel nasatak in a sang danglam hi. A phalam sangin a sialam in I khawtang uh akinawk ta.Tv, computer leh landline phone te bep umlai in thiangtho tak in lunggel kichian, thu leh la kichian a um hi. Tulai khutpek in a hiat phaklo thil ngawn mit leh bil in ahe ta, kuama thugen kilak hun hitalo khawp in khangthak te hinkhua aum zo ta mai ahi. Zilgaina him thuak nuam talo khangthak te chu amau dawidan bep ah ahung kalsuan ua chun a lampi ding’u hi lungzin umtak chu ahi tai.

Kum piting tasa te bawn in electric a chialo hun ah chawm khat battery umlo ahem,network umlo hun ahem a haksa I sak uh chun,phone apat ki kawi kang ding chu hung haksa ma ma ding ahi. Chuleh, lekhabu sim le hung tawm intin thiamna le hung kiam huai huai ding a ginchatna a um hi. Naupang kumting lo ngial te a di’n nisin hinkhua san danglam chu duai them in awl haksat talo ding ahi. Tawmngaina, kithunuaigawlna, kithununna, zangaina leh hepina nasep him te hi ngaituana pangpha talo dingin mu lawk thei khawp in khangthak te dinmun sia in akilang ta ahi. Nu leh pa mawpuakna, khawtang puitu leh mani mimal ah mawpuakna nei zosia’n i lung uh I gelthak hun uh ting ma ma ahi tai.

Ziaziak a chun, maban ah society chiazel ding hi mihiam ngaituana I gel chun thîna luiguam zuan kibang mai ding chuh ahi. A hinla siamtu Pathian muang in,a puihuai na kumtuang lemguat mai chu pawtdawna lampi umsun chu himai ding ahi.

*@KL MUANA KHAUTE*

How useful was this post?

Click on a star to rate it!

Average rating 3 / 5. Vote count: 1

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply