Moria Digitech in offset printing press thak hawnna leh latna nei
CCpur, July 11 (Nisin Thuhiltu): Tuibuang Bazaar ah um Moria Digitech in tuni, July 11, 2019 zingkal dak 7:00 in offset printing press a nei thak uh hawnna leh latna a nei hi. Zia hun chu Thangkhoyang Baite, Chief of B Phaicham in Chief Guest hina tawh a uap a, dawisaktu chuamchuam te uapna tawh Helamboi Baite in hun matna mapui in, NJ Haoneo, Secretary, KSO CCpur in melsuklatna leh vaidawnna thu gen in, Chief Guest Thangkhoyang Baite in thugenna nei in, B. Vengnom Village Authority in Moria Digitech neitu Th Ngamoi Baite leh azi puan silsakna nei in, Chief Guest in offset printer thak hawnna nei in, Rev. Siama Phaltual, Executive Secretary, KSP in Pathian kiang ah a latna a nei hi.
Hun mat sung in, Th Ngamboi Baite, Proprietor Moria Digitech apat thugenna a um a, Rev. Yangkhongam Baite, Executive Secretary, EMP in pauchapna tawh hun khakna nei hi. Moria Digitech ahileh 2015 kum ah kipan, Flex Design, Flex Printing, Fibre Priting, Fibre Photo Frame, MDF Memento Board, Mug Printing, T Shirt Printing, Flag Cloth Printing, Digital Printing, Magazine, Souvenir, Booklet, Handbook, Receipt, Cash Memo, Invitation Card, Visiting Card, Pamphlets, Calendar leh a dangdang print bawl theina hi’n a neitu Ngamboi in a gen hi.
