Mou/ Tekpi leh Tanu By: Muanching Emcies
Muanching Emcies

Mou/ Tekpi leh Tanu By: Muanching Emcies

4.7
(3)

Mou/ Tekpi leh Tanu

~Muanching Emcies

Mou a ka kuantuung in ka tekpi ana om nawnlou a hih man in, tekpi gilou, thusia, tekpi hoih leh phun-hat chih ka tuakkha kei hi. Himah leh tanu nih a na om ua ..ka pasal in a zah mahmah ziak in ka zah a ngai hi.

Zingkal ka thohhun di theilou hi kei mah leng, inkuante thohma a hon phong in, munphiah omna, ninluak omna hon hilhvek a phiat in la..na luakkhit chiah hiai ah na koih dia, inzutna hiai ah om, hichiin na zutdi chi in hon hilh sipsip hi.

Ka sungte thoh toh ka zutkhit ki tuakgeih, huchia singpi amau hon bawl in ka dawn ua..tuitawi di hon kuansan uhi. Kei pen a hih leh mouthak ka hihman in hon tawisak nai kei uh chih di hi.

Ann huan di antang sepsiang gige ngai, sepsa a ki koihsa tuh hi, hi lehle huandek teng a huan dizah tengthak zel chihdan hi.hiai bang ziak a ka chih leh, anhum muhkhak louh leh ninneng suantang peuh omlai hiam chih etthakna a hi hon chi ua..hoih ka sa mahmah hi.

Ka pu uh ( pasalpa) ana damlai a hampha ka ki sa mahmah hi. Ama ann di anawi deuh thuk ngai, ban ah sa ka meh chiang un ka malzan sak zel hi, a ziak tuh a ha a hoihlouh ziak in.

Leh kikthak zual le, ka pasal hon zilsak te tuh ka niteng routine hong hi ta hi. Huaiban ah kei ka om a pan sanggam numei te ann huan pension geih uh, huaichiah puan na sawpdek chiah u nou a om hia na chih gige di chih hilai.

Huai ban ah ka u numei te diklouhna leh hon hihdan uh nuam kasak louhna ka gen chiang in, kei kiang a na gen hunsa in aw hon chi zel hi. Bang hiam ki hehsan na ka neihchiang un le hon lemtu a mah a hi gige hi.

Ka tekpu pa ka hehpih a aman le hon ngai mahmah mai hi.sam tansak, mukmul metsak, tuilum a sil, khutchin leh khechin tansak in kou pata huchia kong ki don taktak chiang un, kuaman gendi a thei se kei uhi.

Bang ziak a hiai hon gelhmawk ka hi de aw na chi lungsim hia…a hoih ngen ihih leh kuaman hon mudah lou, i sep di teng phunlou paulou a i sep leh migilou i tuahkhak leh le a khonung a hon it thouthou uh a hi. Zi thunun zoulou na chih ngeingei a..thadah leh na inkuante na nu tha kheklou na sak ngeingei leh, abul a pan na hilhlouh ziak hi lel ahi.

How useful was this post?

Click on a star to rate it!

Average rating 4.7 / 5. Vote count: 3

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply