NA NGAIHDAN KIA DIKSA KEI IN By: Biak S Tawmbing
Biak S. Tawmbing

NA NGAIHDAN KIA DIKSA KEI IN By: Biak S Tawmbing

0
(0)

*NA NGAIHDAN KIA DIKSA KEI IN.*

Biak S Tawmbing

Ka lungsim a om mahmah khat ahih leh innkuan sunga Pa pen tunga kisak theihna kiletsakna hong let luat chiangin innsung buaina khukpi a lut ahi mai hi. Nupa kal kinak kiselna hong hi.

Tate adingin koilam en a koilam zuan ding ka hia?chia hamhaih tak leh etna ding leng theilou, ngaihdan leng gen ngam nawnlou ki musiatna ngen a dimna a hon tun hi. Nu in leng a ngaihdan apasal kiangah a kum theikei. Nu leh taten midangte theihlouh in innsunga haksatna lianpi tuak uh ahi mai hi.

Papi khenkhat tulai khawvel a sa utna kia lunggulh a om lamka zang ah tam mah mah hi. Zite puakgik theih pih lou a, Sa utna hih pichinna ding kia zang maimah i gamah tam mahmah.. Sa utna itna ziak kia in I gamsung ah innkuan ki tuak theilou tam ta.

Pa pen lungsim kei innkuan vaktu innkuan a sum polut pen chih a kisak thei na leh kei ka hi kichihna a hong let luat chiangin… Innsunga a khosak pih mite a dingin tawlhuai gim huai mahmah ding hi.

Tate mi lak ah ahaksa na uh a gen khe ngam kei ua, huai banah innsung ah leng khamuang theilou uhi..

Pa ahih ziakun, atate un a thuhilh thei kei ua, huchi om louh ding ahi chi in khat vei mah leng a gen ngam kei uhi.

innsung a dinga hoih leh innsung khanna ding chi a tate’n a ngaihtuah te uh a gen khe ngam nawn kei ua, pa te theih louh in a tate uh puakgik lianpi guan ahi maimah uhi.

Tate pate itlou kuamah omlou hi, amau ziak a hiai tan tung ahi uh chi leng haih lou uhi. Pathian in nulehpa te i lei Pathian dia hon bawl uh ahi a himahleh i lei Pathian te kianga tai ngam nawnlou puakgik aneihte uh leng gen khe ngam nonlou ta tampi tak omta hi.

Lei Pathian nulehpa te mel a Pathian mel dawklou leh kilanglou tampi tak omta a huai ziakin i gamsung a siatna pung hulhul a, innsung a khamuanna kipahna nuihna ding omlou ahih chiangin kholak a lungsim taktak a nuihna om kei mah leh a lung uh a gim chiangin innsung sangin kholak hon zuan zaw ua, huai ban ah mobile game tulai a Pub-G kichi te bang hong kimawl ua, huai game hong ki mawl chiangun a lungsim uh huai in hon laak mang chiang in nuamsa uh a, hong tawldam tuan uhi

Nu leh pa te aw, na tate un, hon it in hon ngai mahmah uhi, tate ngaihdan chi mailou a, tate ngaihdan le la a, kikup pih a, a lunggimna uh bang ahia chih leng theih pih sam dingin panla thakni.

Taten nulehpa lungsimna hon thei kilkel uh ahi chih thei a, nuleh pa lunggimna leng hon panpih ut a panla ut mahmah uh ahi chi mangngilh lou a, tate thugen leng la a, nou ngaihdan dan kia chilou a, haksatna kithei tuah a panla khawm in pangkhawm in i gam i nam hoih ding i deih leh innsung mah hoih sak photni. tua hileh i gam chi dam ding a khang hoih ding hi.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply