NGAIDAM THEI HINKHUA
KL.Muana

NGAIDAM THEI HINKHUA

1
(1)

*NGAIDAM THEI HINKHUA

Khawvel kihei dan dungzui in natna hi leng, sa leh gal nei hun, mimal mawpuakna liantak tak te palthen hun umsek maleh, hun chu ahung ki sang danglam sek ah, kipak hun leh thawven hun ahung um sek hi. Zia gual dinmun tuak ding tampi umte diktak ah hunbi ngak leh dawzolo te’n tuak lo ding thina ahem ahiloleh haksa tak in hinkhua a mang sek uh ahi. Haksatna leh limna hi mihiam pianphung ah I tuak di mawng ah siam chu hi ngei ding ahihziak in kuama’n I pumpel thei puau hi. Haksatna puakdan leh gualzaw dan chuamchuam um maleh asia lai siamphatu leh siamzangtu chun limna, kipakna phulo mu chuh kinep a um tei hi.

Bang chuh hitaleh, thilpha Pathian dawigual sem dinga guat leh ngansia ihi ziak un, gulo nasep him him hi I ngaidam thei ahi chun eima mimal le kipak intin, ei siamtu le kipak ding ahi. Zia ngaidamna neithei na ding in lungthim chapona zosia kawithak ah, kingaitawmna’n lemhiatna chuh hinkhua hin kichiapi theichiat leh tinglo te ting ngei ding ihiu ti chuh kakinem mama hi.

Mihiam te makhua ding hi guatlawksa gual ahi chang umsek maleh, Pathian in hinna a piak sia leh pha hiat khen theina Ama Pathian Thagau ei mau ah um chun a hechian mama hi. Ahinla, I taksa lei ah siam, thilsiam hing I nek I dawn te hin ei ma ah um Pathian hu hing thagau hi aliakhu sek hi. Zia tak chuleh, mihiam te’n khawhiatna taksapna liantak mai aki maitua sek ziak in sual na semdi’n ei puilut khasek hi. Ziakachun, eima ah um thagau hingchu hatlo leh basam himaleh tukdet ham ham chuh damna hinkhua hingei ding ahi.

I dawilo leh I ginchak lo gual ah I lawite, melma te, ei muda te, thagum suazen ah do leh lan sang in lung kitim thei leh thunuaigawl tak kawm ah nui hiu hiu cha heipna tawh gualzaw thei chu lawtinna chungnung pen ahi bep hipuan tin malzawlna le hingei ding ahi. Migilo leh diktat lo te ngaidam theina chu vankhawpi ah um gual tawh kibang ding ahiziak in ngaidamna hinkhua nei zing na chuh zawna chungnung pen ahi. Zia zawna chungnung pen chantheina ding in banggual dinmun haksatna tuak hiziang maleh, Ama lemhiatna lunggel dawzo tak ah ngakzing te chun ngaidamna thupitak hinkhua khang chiasawn zel dinga le damna hingei ding ahi.

*@ KL MUAN*

How useful was this post?

Click on a star to rate it!

Average rating 1 / 5. Vote count: 1

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply