You are currently viewing NGAIHTUAH TAAK THU TUAMTUAM ✍️ Mawi Tombing

NGAIHTUAH TAAK THU TUAMTUAM ✍️ Mawi Tombing

3
(1)

NGAIHTUAH TAAK THU TUAMTUAM
✍️ Mawi Tombing

🍁Innkuan nopna diing in Nu leh Pa te khut a ki nga ahi,a nopna diing chabi kol tu leh a neitu te Nu leh Pa te ahi.

🍁Innsung ah Nu hoih Pa hoih omna innsung chidam in kipahna tun hi,tate a diing in salam leh khalam ah damna Hospital naipen Nu leh Pa te i hi uh

🍁Innsung ah Nu leh Pa hoih lou omna innsung pen gamkeu tuiluan louhna toh ki bang hi

🍁Zuau gen a hauhsakna zaw tuihu bang a leengmang pah ahi,leitung a mi hausa penpen te Jesu nei te ahi uh.

🍁Loupa a vuai a,paak a tul zel hi,mihing te hinna paak toh ki bang lel phet ahi,Pathian zaw tangtawn in a hing gige hi.

🍁Mihing ten Pathian’ nna i septheihna sangpen tuh I mihin pih te tung a nna hoih sep ahi.

🍁Thilhih dik,thilhoih hih a ki ngai gige te zaw mi vaangtah te ahi uh.

🍁Innhoih lou sung ah kipak tak a nui ging zaak a nuam a,Inn thupi tak sung ah ki na ging zak gige a nuam kei.

🍁I sih chiang a hon uap tu diing hauh nuinui sang in vangam ah honna vaidawn tu diing neihlouh khak diing lauhhuai zaw hi.

🍁Mihing i lawmhoih,i muanpen zong melma suak thei hi.Mihing muan sangin Pathian muan a hoih zaw hi.

🍁Thumna in thil a hih thei a,thumngei lou te tuh misi toh ki bang hi,thumna tuh i damna,i naak na ahi.

🍁Khovel a genthei tak a khosa a,i sih chiang a i kha in gawtmun a tan lai tel di zaw ngaihngam huai lou ahi.

🍁Khovel ah gentheihna leh zawnna ki chi a om hi,na zawn ziak leh na gentheih ziak in Pathian bel in,Aman hon taisan ngei lou diing,hon khem ngei lou diing hi.

🍁Bang dinmun a ding hi leng le kimansa in om in,lauken la lunglel sam ken,i khualzinna gam lel ahi,na tung a thiltung khempeuh thuakdan ki zil in.

🍁Na hinkhua a na kipahmel pen tuh khovel a na etlawm ni pen ahi.

🍁Zan a khua phawk lou a ihmu hithit hang a,ihmut paisuak thei hi a,thohhun a innkuan kim a thou khe thei zel a i om uh manpha lua hi.Innkuan kim a thoh khiat louh hun om diing ahi chih leng thei le mo.

🍁I damlai in Nupa ki itni,ki suk lungnop a,tawldam a hinkhua zat diing ahi.Lup hun a lumkhawm thei zel a,thoh hun a thou khe thei zel a i om manpha lua hi,nupa a thou khe gige lou d,damkhawm gige lou diing i hi…chih leng thei le maw.

Simtu te Toupa’n hon vualzawl chiat hen!!

🌹🌹🌹🌹🌹🌹🌹🌹🌹

How useful was this post?

Click on a star to rate it!

Average rating 3 / 5. Vote count: 1

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply