NGALULOK
Get In Lamka

NGALULOK

0
(0)

NGALULOK

NGALULOK kiti hi Ukeng no, taksa piting nailo, tuilak ah um sek ahi. Amau hin tuinak angai mama sek uh ahi. Tuinak ah um ahiziak un asunen sek ui. Zia phat chuleh, tui ah um nga leh a dangdang te tamtak in a thipi sek ui ti’n ala kitisek hi.

A kitisek gual in, ngalulok gual I khawtang puitu aki um hi. Ziakachun, insung, khawtang, pawlpi leh a dangdang te sung ah mibuai um, migilo te’n khantona hi subuai in machalna himhim hi a chanchum in a um thei taktak puai. Zia gual puitu nei tam nam sung leh khawtang kivaipuakna te chu vangsiat um tak ahi.

Ziagual ah vangsiat um tak ah khantona ding daltu himhim te hi nam sung leh khawtang ki- etkawlna in mipite’n dinmun neisak lo hawi ding ahi. Zia chuh khantona zawk hizaw ding in kamu ahi. Ahinla, ngalulok gual hina neite pianthakna ding lampi kawkmu theina puitu a um ngai ahi. Zia gual ah, nam sung leh khawtang khantona lampi kalsuanna ah buaina tunsak thei ham mite chu bang hin a supha thei diam ti lunggel thuktak mai a um hi. Zia dinga chun, Pathian kiang ah pauchap piak ah, a hun ngak mai hi damna leh khantona ahi zaw diam ti hi ngaituana a hung um hi.

Chun, ngalulok gual ah tuinak dinmun sang pen, thuneina (power), sum leh pai hau pen hinawp na ziak ah puitu chanpi leh nungzui te kipalpai na ding siam dawk thei ham te chu I Nampi khanmawbawk ahi. Ziabanachun, I Nampi political goal delna ah lungliap theina khawp ah lampi kal ah lamvai sang in nam ngaina leh semthei te panmun leh chanvo siampiak chuh I Nampi khantona leh zalenna hi zaw ding in kangaitua hi.

Zia a chung ah kigen pawimaw tak te hi en in, I Nampi thupukna lak sak ding chu tribal nam te a ding in, suachakna lampi umsun ahi mai diam kati chang hun atam hi. Himaleh, I Nampi political goal pitinna ding lampi chuh chung ah I biak Pathian um ahiziak in Ama hun tiam ngakzawna pawimaw kasa takzet ahi.

@KL MUANA KHAUTE

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply