NGAWITING IHIU
KL.Muana Social Worker

NGAWITING IHIU

5
(1)

*NGAWITING IHIU*

Khawvel khantona ziak in hun chawmlo kal in khanglui leh khangthak kikal ah chawndan, nek leh chak hawldan kikhia mama hi. Thingtang nasep leh khawpi sunga cheng te khawhei leh nasep a kibang puai. Thingtangmi chiat himaleu hin khawvel kitaisiakna del in inchen- lochen ngaitua in muntin ah aki pang chiat hi. Ziakachun, khangthak te kikal ziang inle khuahiatna kikak ( communication gap) tak mai I lak in a um ta ahi. Zia chuh I khawsak dan uh ahizing lai in NGAWITING kiti umzia apat in pi leh pu te nasep dan apat zillai gen ding tampi gen senglo ding a um hi. I khawsak dan un bukim lo himaleu hin theikham kham ah gam leh nam a ding ah bukim gual ah piting tak ah pan latu I hiding uh ut a um hi. Zia chuh ahitheina ding in pantheina chiat ah pankhawmna apat lawtinna um thei ahidan taklang kanuam hi.

Ngawiting kiti umzia apat gen kawp thei dinga phachuam ding ah ngaituana umte tawmcha vak sulang ingka. Pi leh pu te’n ngawi a tin ding phat uh leh tui a tawm lai in aki pan sek ui. Gawtui/ tui a khanlet masang in ngawi(dam) ating sek un, Bawm a dawu ah, nga(fish) tam tak a man un sek uh ahi. Khuasung ah nga nam um vengvung in kipak tak in ala buaipi sek un ala limthei ma ma uh ahi. Guanggalna hawitak neikawm ah kisak lawkna, hun leh tha tamtak a sen nung ua a thilbawl uh lawtinna ala chansek uh ahi. Ngawi (dam) ala tingtak uh leh tuisung ah ganhing zat chuamchuam asusia thei umte lak in Ai ( crab) in tuisung lam ah hiat lo kal ah kawsawk ala bawl sek ziak in ngawi(dam) kiting chule ala buai um phak sek hi. Zia gual achun, I namsung chiat ah organisation te lak ah, a sangzaw I Nampi kikhaikhawmna pawlpi sung ah, a pawlam ah kilangdawk lo ah ala tai lumlet, ningtin ala kheukheu pawl kitam mama ziak in I pawlpi’n suachakna ding ah tup leh ngim Government kianga ala dinpi te haw subuaitu ah hung pang khasek mi akitam hi kitileh kigen khiallo maithei ahi. Zia gual ah pan lakha te’n I namsung bitna ding zawk ah panthak lak chuh pawimaw leh kul takzet hi. Adang vak genbe ding achun, MP/ MLA/ MDC/ Contractors leh akhawnbawl te’n, lam chuamchuam ah mimal lawtinna leh khantona ding ah Government leh mipi kikal ah nasep a neite’u kitanggual tak ah nekkhawm leh hawp in um theile chu maban ah khawtang khantona um thei ngei ding ahi. Ziakachun, mipi te’n election hun ah palai ding I tel hun ah pilvang tak ah tel ding ahi. Chuleh, teltin/ elected ah um te matdan le thiam a ngaibawk hi. Zia I vak gen gual in kibangtak ah khawtang kikaihuaina ding ah mipite pilvang na tawh panlakna chuh I Nampi kikhaikhawmna pawlpi a ding ah hatna thak leh kalsuanna ah kalbi pawimaw tak hingei ding ahi.

Zia achung ah kigen gual in, I gam leh nam a ding ah Political Goal nei ah khualzin gual mai I hizing lai un, I kalsuanna’u su buai ding in hiat phaklo muntin apat thepna tampi I tuak ngei diu ka gingcha, himaleh, puitu te’n hiat zing ding ah kagen nawp chuh ahileh, I Nampi lung tup uh mualsua na di’n tin leh ha suang in theina zosia tawh lungthuai lo ah lamzang tak mai ah mulawkna ala kisiamte haw siamtu lemguat ngak ham di’n a thak in kingaitua ding in pawimaw kasa ahi. Zia gual ah piting tak ah lawtinna a um theina ding in mimal lunglutna supiting mai lo ah, Nampi lungtup supiting di’n pang ham ham leu hin I kinepna’u leh lungtup Lalpa’n ei mualsuapi ma ma ding ahi.

 

@ *KL MUAN*

How useful was this post?

Click on a star to rate it!

Average rating 5 / 5. Vote count: 1

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply