Ni 7 (sagi) sung ah ni 1 (khat) châng zo lo Christian te i hi tau em le? By: Manga Vaiphei

Ni 7 (sagi) sung ah ni 1 (khat) châng zo lo Christian te i hi tau em le? By: Manga Vaiphei

0
(0)

Ni 7 (sagi) sung ah ni 1 (khat) châng zo lo Christian te i hi tau em le?

Tu chung ADC ma pui ten tawm ngai tak leh Pathian za tak ah Ni bik khat sun sun chawl ding a vak gen uh le mi tam pi ten nial kal ngal mai.

Achu ti le i Pathian biak sek nau a hin Thagau thiangtho a pang na diam? Lung gil tak in Pathian i bia’u em? Ahi lo le Bazar lam ah i me zawk te lung gel pum pum in Biak in i zuan sek awm? Ahi lo le Sa phe hawi deu deu i et leh le tui tuak ma ma ziang haw lung gel pum pum ah Biak in lut sek dan i hiu hi la maw le?.

Unaute la lung gel vang ka he puai, ahin la, Christa zal ah ni khat bek bek zia haw zosia lung gel kha tha suak ah kipak tak le lung gel thaw veng tak ah Biak Buk zuan lo ding i hiu em? Ni sagi sung ah kha bang i bawl uh a hi diam? Me zuak sa suak dukan van zuak i hi puau em? I zuak uh kha lam sum le tam pi i nek kham uh i mu ma uh hi lo maw? Ahi tak le ni khat mai mai vak chawl dam ah Pathian lung gil tak ah bia lo di?.

Khen khat ngai dan a chun Khawvel Politics tawh mek gawm in tiu in “zia haw hi ki kham lo ding ahi, adu ada” le ti ding la hiu hi, Pathian in chawl ni ei piak ni ah khawvel politics thu tawh i mek khawm uh le bang tik le Van gam gim nam ding i hi diam uh?.

Pastor pakhat in thu a gen na ka ngai khak na a chun “Pathian thu leh khawvel thu te leh taksa du am na te nek khawm mi chu Pathian lung gil in a nei pua hen a kilawm ding mai mai in a tai vel sek hi” ti in, zia thu hi ka ngai tua sek ah, dik hi ka sa sek ma ma ahi, a zia chu Christian i hi nau tawh ki gui zawp ahi ziak in.

Unaute na sa tak ah chawl ni thiangtho ding ah dawl dal tu hi zaw ding in khat vei la lung hun gel thak kit in aw? Lalpa a ding in ni khat an ngawl ka ti in le, ei uh a ding ah ni sawm li leh zan sawm li sung ving veng an leh tui ngawl ah gam thip na Lal Jesu’n ei la thawk piak ahi kha, ni khat me zuak lo leh Sa zuak lo leh dukan hawng lo ah an ngawl ding ki um lo ahi, zia chu he zing kawm in pan la thak hi tiu.

Kei le ka nu bazar ah me zuak sek ahi, a hin la ka nu vang Pathian ni a hi le thai lam thil leh thil dang lung gul lo ahi, Pathian bang tin ka lung awi sak theu diam ti zaw ahi, ka Nu ka ki suan pi na ma ma zia hi ahi, Pathian ni hi hawi tak in a chawl dam sek ah Biak in ah Pathian thu hawi tak in a ngai tha sunday school pi ting ah le hawi tak ah kai sek prize le la sek na lai ahi, kum tam tak ei la chawm ta Biak ni a chawl ziak ah an ka ngawl lam uh khat vei le he kha nai lo ka hi, tu hin chu ka u te le government na sem bang ahung um ua bazar kai ahung chawl tai ti thu ahi, zia ahi na sa chu tuni chan ani ka Nu Pathian ni bazar in me a zuak hi ti he kha nai sai lo ka hi.

Ni khat mai mai chawl ding Pathian a ding ah mat thiantho ding ti lawi upa te leh vaihawm tu ten ei uh Christian te a ding gel khawk na le ging lo tu te mit mu ngei a mak a sak ding uh le Pathian dawi dan ahi ziak ah ni khat mai mai chawl ding a vak ti uh a hi, zia hi zawm thei chiat ding in Lalpa’n i lung thim un thu hun gen chiat tahen!.

-Manga Vaiphei-

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply