NU LE PA TEN CHATE ANGAILUT DAN LE CHATE MOPOHNA ✍ Minlien Khongsai Karbi Anglong, Assam.

NU LE PA TEN CHATE ANGAILUT DAN LE CHATE MOPOHNA ✍ Minlien Khongsai Karbi Anglong, Assam.

0
(0)

NU LE PA TEN CHATE ANGAILUT DAN LE CHATE MOPOHNA

Tuchung ka nu le kapa toh ka Car a Sukhanjan a pat Diphu lang che di katiu a kahung kitol u leh ka nu le kapa kamcheng a kon thu dang dang kajah be in hiche lah a khat hin share ing e.

Hidipi kaphah u chun hitin ahin sei e, “Na U Neo lai(1981-82) in adam mo mo jeng in Lou in a ding a kahung suh ule Hidipi kalhun phat un Karbi Anglong Bandh ahi atiuvin Hidipi a kon keng a thinlhang kakile kit lhon in bazar ni kit a hung din kaum lhon tai. (saijang chan auto kiti um lou lai ahi).

Bazar kit in kahung kit ule a bandh kit in. Naosen in anatlel jeh in kile kit ding kanom lhon tapon,Achainan Dimapur chan naosen toh bag toh keng a kache un nilhah lang tah in kaga lhung un child specialist Dr. Sen kavet sah ule phaten ajen in ahung ol tai” tin eisei peh lhon e.

“Chuleh Tunia eima ho gari a ikitol thei u hi kamang in jong kamat pha pon kakipah mong mong e. Taona ga ahin chuleh Nang ha pan jal ahi” tin ei pahcha lhon e.

Keng a Bunglen to Dimapur ana jot u chu nasa mong mong jeng e.

Athengtah a sei din Car kicho jong hi nei jeh le haojeh ahipon, tuni ahiloule jing le idamle kicho thou thou ding ahin hijeh chun hiche chothei ding a eihin khoukhah doh nu le pa dam pet, atou lele thei pet uva choh ding kati jeh a bat le tham a kihol a kicho ahi. Amanin jong a ulsa lon na hou jal a Pathen athangvah thei na ding uva.

Tunia simlai, khangthah loile paite hon jong genthei hahsat na tam jongle hapan u tin, lolhin na inei teng u le ei na genthei pi hou nopsah na ding in ijo chan in bol thei thei bol u hite. Amaho jong kipah in tin Eisempao Pathen jong kipah inte.

✍ Minlien Khongsai
Karbi Anglong, Assam.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply